Acta Francisci Pp. 435

CONSTITUTIONES APOSTOLICAE

I

EVINAYONGENSIS

In Guinea Aequinoctialis, dismembrato territorio dioecesis Bataënsis, dioecesis Evinayongensis conditur.

FRANCISCUS EPISCOPUS

ServuS Servorum Dei

aD perpetuam rei memoriam

Ad augendam christifidelium pietatem et salutem animarum provehen-

dam decet Nos omnia promovere, quae Ecclesiarum particularium necessi-

tatibus cultus et caritatis operum exercendis vacent, ut summum bonum,

ad quem ipsae provide sapienterque constitutae sunt, attingatur. In his

ergo partes libenter interponentes, per quae dioecesium regimini oppor-

tune consulatur, mentem Nostram convertimus ad dilectos christifideles,

qui Guineam Aequinoctialem incolunt, postulationem novae dioecesis ibi

constituendae diligenter considerantes.

Favorabili igitur habito voto Venerabilis Fratris Petri Pioppo, Archiepis-

copi titularis Torcellani et Apostolici in Guinea Aequinoctiali Nuntii, de

consilio Congregationis pro Gentium Evangelizatione preces ad Nos allatas

animarum saluti valde profuturas censuimus easque excipiendas decrevimus.

Proinde, Apostolicae Nostrae potestatis plenitudine, a dioecesi Bataën-

si omne territorium districtus civilis finibus in praesens vulgo Centro Sur

circumscriptum distrahi statuimus atque ex ita distracto territorio novam

dioecesim, Evinayongensem nuncupandam, erigimus ac constituimus.

Huius novae dioecesis sedem in urbe vulgo Evinayong decernimus eccle-

siamque ibi exstantem, Deo in honorem Sancti Ioseph dicatam, ad gradum

et dignitatem ecclesiae Cathedralis evehimus, cunctis consentaneis concessis

iuribus et privilegiis. Novam insuper dioecesim Evinayongensem statuimus

Metropolitanae Ecclesiae Malaboënsis suffraganeam atque iurisdictioni Con-

gregationis pro Gentium Evangelizatione obnoxiam. Cetera vero secundum

leges canonicas temperentur.