Acta Congregationum 531

TERGESTINA

Beatificationis et Canonizationis Servi Dei Marcelli Labor, Sacerdotis Dioecesani

(1890-1954)

DECRETUM SUPER VIRTUTIBUS

« Sapientia complevit labores illius » ( Sap 10, 10)

Quemadmodum iustus, divina a Sapientia ductus, res sanctas intellegit

compluraque opera bona agit, sic Servus Dei Marcellus Labor, Dei gratiae

docilis, multifariam vocationem suam, ut Domino vocanti responderet, est

persecutus. Hebraeus natus atque christianam ad fidem conversus, ipse,

qui fuit sponsus, paterfamilias, medicus, sacerdos, spiritalis magister vitae

necnon parochus, ob humanitatis ac virtutum magnitudinem nimirum enitet.

Quae illi acciderunt, salutiferae praesentiae Dei filios suos sanctificare et

ad caritatis perfectionis ducere volentis signa ostendunt.

Servus Dei Tergesti die 8 mensis Iulii anno 1890 locupleti e familia

Hebraea ortus est. Humanarum litterarum studiis in patria expletis, ad me-

dicinam se contulit « ut aegros adiuvaret ». Die 1 mensis Ianuarii anno 1912

Tergesti Elisabetham Reiss ex Hebraeorum ritu duxit. E matrimonio tres

filii sunt nati. Die 23 mensis Decembris anno 1914 ambo coniuges Labaci

baptismum in Ecclesia catholica susceperunt. Hoc fuit Servo Dei initium

plenae gratiae receptionis, quam patiendo erat maturaturus.

Difficultas nummaria, filiolae decessus primogenitae, res belli adversae,

captivitas sub Russis, disiunctio suorum aliquot per menses ac postremo lon-

ga duraque uxoris infirmitas Marcellum impulerunt, ut se voluntati Dei, qui

paternitatem suam in illo ostendit ipsumque in perpetuum ad seipsum traxit,

omnino daret.

Polae Servus Dei in medicina exercenda suis egregie providit. Propter

scientiam et humanitatem ille magni existimatus est necnon, dignus Confe-

rentiae S. Vincentii a Paulo sodalis, peculiari pauperum cura atque caritatis

in humiles operibus sane eluxit.

Mortua uxore mense Ianuario anno 1934, Marcellus, pro certo habens

illum, qui omnia non dedisset, nihil dedisse, Domino se prorsus dicandi desi-

derio arsit. Theologiae, Sacrae Scripturae, Sanctorum Patrum, Mysticorum

ac Magisterii Ecclesiae studio operam dedit. Toto pectore ad exercitium