526 Acta Apostolicae Sedis - Commentarium Officiale

quinta iam hebdomada fetum abortivum emisit. Deinde, cum minime gravidari

valeret, curis glandularum secretionum ope instructis frustra subiecta est, sed

consecutae inspectiones tubae uteri dexterae ad isthmum ostenderunt obstru-

sionem. Novissimis ergo hormonum curis ad ovulationem exciendam suggestis,

praegnatio ectopica seu in abnormi positione coalita evasit. Die 25 mensis

Novembris anno 2009 ergo mulier in valetudinario Sanctae Domus Miseri-

cordiae Trium Capitum recepta est et chirurgicae summa urgentia commissa

sectioni, post quam infirma se alias praegnationes nullomodo ferre posse a

medicis edocta est et omnes opitulatae fecunditatis vias amplecti praecepta,

quas ipsa vero interiorum morum causa semper detrectaverat.

His in adiunctis vero domina, quae vero prolem admodum praepetebat,

una cum viro ad divinum confugere statuit auxilium per Venerabilis Servi

Dei intercessionem, cuius iam inde ab infantia devotissima fuerat, noven-

dialibus supplicationibus eorum preci propinquis et amicis accessis. Mense

Iulii anno 2010 ineunte, inspectio quaedam ad praegnationem retegendam

atque insecutum ultrasonorum emissione examen instructum mulierem exhi-

buerunt iam in quinta praegnationis hebdomada ferre partum, qui regulari

decursu usque ad ortum valentis puellulae, Sophiae nomine, ad diem scilicet

16 mensis Martii anno 2011, processit.

Continuatio temporis clarissime patuit, sicut et nexus inter invocationem

Venerabilis Servi Dei et mulieris praegnationem, quae exinde optima gavisa

est valetudine normalesque vitae consuetudines gerit.

De hac miro habito casu apud Curiam Episcopalem Campaniensem in

Brasilia a die 15 mensis Ianuarii ad diem 11 mensis Martii anno 2013 Inqui-

sitio dioecesana celebrata est, cuius auctoritas et vis iuridica a Congregatione

de Caiìsis Sanctorum decreto diei 17 mensis Octobris anno 2013 probatae

sunt. Acta dein collecta examini et iudicio Dicasterii Medicorum Collegium

subiecta sunt, quod in Sessione diei 20 mensis Novembris anno 2014 concep-

tionem et consecutam physiologicam praegnationem inexplicabilem secun-

dum hodiernam scientiam medicam fuisse affirmavit. Die 19 mensis Februarii

anno 2015, Congressus Peculiaris Consultorum Theologorum prospero cum

exitu factus est ac, die 2 mensis Iunii anno 2015, Sessio Ordinaria Patrum

Cardinalium et Episcoporum, cui egomet ipse Angelus Cardinalis Amato

praefui, et in utroque coetu sive Consultorum sive Cardinalium et Episco-

porum, posito dubio an de miraculo divinitus patrato constaret, responsum

affirmativum prolatum est.