544 Acta Apostolicae Sedis - Commentarium Officiale

MEXICANA

Beatificationis et Canonizationis Servae Dei Mariae a Refugio Aguilar y Torres viduae Cancino Fundatricis Congregationis Sororum Mercedariarum a Ss.mo Sa- cramento (1866-1937)

DECRETUM SUPER VIRTUTIBUS

« Mercedarius est qui vitam grato animo ponit suam, ut ceteri libere

vivant ».

Cogitatio haec, Servae Dei Mariae a Refugio Aguilar y Torres adscripta,

bene patefacit spiritualitatem eius: mulier et consecrata, vitam dedit pro

fratribus suis et, vestigia Christi sequens, particeps fuit mysterii caritatis

eius.

Serva Dei die 21 mensis Septembris anno 1866 in civitate San Miguel

de Allende, Mexicana in regione v.d. Guanajuato, nata est. Octo fratrum

maxima, aequo adolevit animo auxilio comitata parentum, qui spiritum eius

in dilectionem Dei pauperumque excoluerunt. Dies praesertim primae Com-

munionis fiet magni momenti in spiritali eius itinere: donec vixit, dilectio

erga Iesum Eucharistiam comitata est eam et in consiliis ad pauperes sub-

levandos capiendis probavit.

Vicesimum primum annum agens Angelo Cancino nupsit. Eorum coniu-

gium ortus duorum liberorum, quibus nomina Angelus et Refugium Teresia,

laetificavit. Biennio tantum peracto, virum Serva Dei amisit; mox et primo-

genito orbata est. Licet tam gravi dolore pressa, oratione roborata et lumine

fidei ducta, omnia reliquit factaque est sodalis Tertii Ordinis Francisci, in

quo postea munus Ministrae novitiarumque Magistrae sustinuit.

Anno 1896, cum spiritalia exercitia audiret, intimam gravemque sensit

conversionem, qua Eucharistia facta est totius vitae fundamentum. Posthac,

augescenti gaudio, Maria a Refugio in Eucharistiae ministerium atque eu-

charistici cultus propagationem, auxilio christianae doctrinae institutionis et

domorum ecclesiae curae, se tradidit. Nec interea matris officia neglegebat:

cum adolevisset, vestigia parentis filia sequetur, quae Deo se consecravit in

Instituto eodem, Sororum scilicet Mercedariarum a Sanctissimo Sacramen-

to, quod Serva Dei, divinitus inspirata, fundaverat, ad iuvenes in amorem

erga Iesum Eucharistiam instituendos atque Regnum eius quemvis in locum

propagandum.