Acta Congregationum 541

CAPUANA

Beatificationis et Canonizationis Servi Dei Simpliciani a Nativitate (in saeculo: Agnelli Maresca) Sacerdotis Professi ex Ordine Fratrum Minorum, Fundatoris Congregationis Sororum S. Francisci a Sacratissimis Cordibus (1827-1898)

DECRETUM SUPER VIRTUTIBUS

« Eucharistia purissima luce mentes collustrat, corda inflammat, immun-

dos mundat tepidosque fovet et fragiles corroborat ».

Haec Servi Dei Simpliciani a Nativitate (in saeculo: Agnelli Maresca)

verba conscientiam exprimunt illam, quae eum omnem per peregrinationem

in hoc mundo comitata est, voluntatem eius scilicet vitae et conversationis

in oblationem immutandae et in plenam eucharistici communionem mysterii,

quod ipsius spiritualitatis reapse est summa.

Servus Dei in vico Plano Surrenti prope Neapolim die 11 mensis Maii

anno 1827 natus est. Paucis ex monumentis de prima eius aetate comper-

tum est eum iam inde a pueritia gravitatem morum ac magnum laboris

studium exhibuisse atque Scholam Nauticam et Instructionis Navalis eius-

dem loci Plani Surrenti frequentare cepisse. Audita autem homilia quadam

in honorem Sancti Agnelli, ferventem ad vitam religiosam animadvertere

iniit vocationem. Quapropter, anno 1844, habitum Sancti Francisci apud

Fratres Minores Alcantarinos Provinciae Neapolitanae, Simpliciani a Nati-

vitate sumpto nomine, induit et anno 1848 vota religiosa perpetua professus

est. Expleto cursu formationis, die 9 mensis Maii anno 1851 presbyteratu

auctus est.

Gravi interdum trachiae correptus est infirmitate, a qua intercessione

Sancti Iudae Thaddaei sese existimavit sanatum, cuius Sancti Apostoli cultus

ipse exinde varias per terras Italiae Meridionalis fervidus factus est fautor.

Porticibus prope Neapolim, anno 1859, scholam popularem gratuitam pro

plebis instituit filiis, ut e servitute paupertatis et viarum discriminibus

redimerentur. Anno 1869, Superiores eum Romam vocaverunt eidemque

officium a Secretis Procurae Generalis apud Curiam Generalem Ordinis

Fratrum Minorum commiserunt.

His in renovatis adiunctis summa patientium sollicitudine praeditum sem-

per se ostendit et consummati moderatoris spiritualis iuvenibus mulieribus

operam praestitit ad dissipatam vitam procubitis et in valetudinario roma-