432 Acta Apostolicae Sedis - Commentarium Officiale

excedendi desiderio flagraret, Romam adiit, ubi inter Carmelitas accepta

est. Vocationis deinde ad vitam religiosam perceptis signis, vota privata

uti religiosa Sanctae Birgittae professa est in eodem cubiculo, in quo cele-

brata Sancta vixerat illa atque occubuerat. Insequentibus annis omni ope

et studio adnisa est, ut, soli Divinae Providentiae confisa, monasterium in

Urbe fundaret. Post quaedam tolerata tres tandem ex Anglia recepit candi-

datas, quibuscum novo Ordini Sanctissimi Salvatoris Sanctae Birgittae dedit

initium. In Suecia, Helvetia, Anglia atque India variae postea subsecutae

sunt fundationes.

Navo missionali spiritu suscitata, christifidelium unitatis sollicitudine

et sollerti orationis consuetudine suffulta, Venerabilis Serva Dei ita cari-

tate enituit benigna, ut secundi mundialis belli tempore summam operam

praestaret, quae, omni gentis vel religionis discrimine seposito, multorum

sublevavit aerumnas ac pro tantis laboribus pergratam beneficii recepti

auctoritatum civiumque sibi comparavit memoriam.

Propter sapientiam prudentiamque a filiabus spiritualibus maxime ex-

quisita, sanctae Birgittae de Suecia spiritualitatem cum necessitudinibus

mundi huius aetatis summopere coniungere studuit. Die XXIV mensis Aprilis

anno MCMLVII, Romae apud domum Sanctae Birgittae, post vitam patriae

suae cum Ecclesia Catholica impensam iungendae, Sororum dilectione et

sanctitatis fama omnium, qui eam vivam cognoverant, circumfusa, pie in

Domino quievit.

Servatis omnibus iure requisitis, tempore Magni Iubilaei anni MM Sum-

mus Pontifex sanctus Ioannes Paulus II eam in numerum Beatorum rettulit.

Canonizationis prospectu, Causae Postulatio miram pueri cuiusdam as-

sertam sanationem, quae in insula Cuba evenit, Congregationis de Causis

Sanctorum iudicio subiecit. Aegrotus, paulo infra tres annos natus, fasti-

dia quaedam percipere coeperat et examina deinceps patrata in diagnosim

tumoris in cerebello duxerunt. Chirurgicis duobus sectionibus commissus,

aegrotus non modo morbo minime relevatus est, sed novis immo neurolo-

gicis implicationibus affectus, quae omnia tertia etiam sectio eadem atque

antea confirmavit. Tres menses passio haec, valetudinariorum sedibus iugiter

immutatis, spe ingravescentis morbi curationis perseveravit. His autem in

adiunctis Soror quaedam ex Ordine Sanctae Birgittae pueri parentes hortata

est, ut ad divinum confugerent auxilium impetrantes pro aegroto sanando