440 Acta Apostolicae Sedis - Commentarium Officiale

libus, die ipsa Paschatis, mortuus est anno MCMXLV. In lectulo eius aliquis

ignotus scripsit " San Giuseppe Girotti".

Fama eius martyrii increbescente, Archiepiscopus Taurinensis die XX men-

sis Martii anno MCMLXXXVIII dioecesanam inquisitionem incohavit; cuius inqui-

sitionis, anno MCMXCII perfectae, validitatem iuridice recognovit Congregatio de

Causis Sanctorum die IX mensis Octobris eiusdem anni. Deinde die XII mensis

Februarii anno MCMXCIV validitas inquisitionis ulterioris, Taurinensem apud

Curiam confectae, declarata est. His absolutis iure statutis rebus, Theologi

Consultores in Peculiari Congressu diei XX mensis Ianuarii anno MMXII necnon

Patres Cardinales Episcopique in Sessione Ordinaria die V mensis Februarii

anno MMXIII agnoverant Dei Servi mortem verum fuisse martyrium. Facultatem

ideo fecimus Congregationi de Causis Sanctorum ut decretum "super martyrio"

die XXVII mensis Martii anno MMXIII promulgaret, et Nos statuimus ut beatifi-

cationìs ritus Albae Pompeiae die XXVI mensis Aprilis anno MMXIV celebraretur.

Hodie igitur de mandato Nostro Venerabilis Frater Noster Angelus S.R.E.

Cardinalis Amato, Praefectus Congregationis de Causis Sanctorum, textum

Litterarum Apostolicarum legit, quibus Nos Servum Dei Iosephum Girotti in

Beatoram numerum adscribimus:

Nos, vota Fratris Nostri Iacobi Lanzetti, Episcopi Albae Pompeiensis, nec-

non plurimorum aliorum Fratrum in Episcopatu multorumque christifidelium

explentes, de Congregationis de Causis Sanctorum consulto, auctoritate Nostra

Apostolica facultatem facimus ut Venerabilis Servus Dei Iosephus Girotti, soda-

lis Ordinis Fratrum Praedicatorum, presbyter et martyr, qui divinum Verbum

contemplatus est et supremae evangelicae caritatis testis factus, Beati nomine

in posterum appelletur, eiusque festum die prima mensis Aprilis, qua in caelum

ortus est, quotannis celebrari possit. In nomine Patris et Filii et Spiritus Sancti.

Quae vero per has Litteras decrevimus et nunc et in posterum firma

esse volumus, rebus quibuslibet contrariis non obstantibus.

Datum Romae, apud Sanctum Petrum, sub anulo Piscatoris, die XXVI

mensis Aprilis, anno Domini MMXIV, Pontificatus Nostri secundo.

De mandato Summi Pontificis

petruS card. parolin

Secretarius Status

Loco G Plumbi

In Secret. Status tab., n. 21.997