Congregatio de Causis Sanctorum 303

ACTA CONGREGATIONUM

CONGREGATIO DE CAUSIS SANCTORUM

MELITENSIS

Canonizationis Beati Georgii Preca Sacerdotis Archidioecesis Melitensis fundatoris

Societatis Doctrinae Christianae (1880-1962)

DECRETUM SUPER MIRACULO

Beatus Georgius Preca die 12 mensis Februarii anno 1880 ortus est Val-

lettae, in Archidioecesi Melitensi, cuius presbyter ipse factus est anno 1906.

Laicorum iuvenum opera adiutus, populo Christiana religione erudiendo So-

cietatem Doctrinae Christianae fundavit, quae, viros tantum primo comple-

xa, mox mulierum quoque sectione ditata est. Quod opus, difficultatibus

aerumnisque superatis, canonicae erectionis decretum obtinuit anno 1932.

Beatus vero, qui germanus Dei vir idemque christianae doctrinae quasi

magnus apostolus audiebat, sancte ab hoc saeculo migravit die 26 mensis

Iulii anno 1962.

Quem quidem Ioannes Paulus II, Summus Pontifex, Beatorum caelitum

honoribus insignivit die 9 mensis Maii anno 2001.

Eius vero canonizationi prospiciens, Postulatio Causae sanationem, quae

ad eiusdem Beati intercessionem divinitus patrata ferebatur, huic Congrega-

tioni subiecit expendendam. Quae res pertinet ad Ericum Catania infantem,

qui, paucis diebus postquam in lucem editus est (quod quidem Melitae fac-

tum est die 15 mensis Iunii anno 2001), quodam morbo affectum iecur osten-

dit, quod icterus persistens et abdomen tumens et vomitus denuntiabant.