De laude et cohortatione, quam possunt facere omnes fratres.
Et hanc talem exhortationem et laudem omnes fratres mei, quandocunque placuerit eis, annuntiare possunt, et inter quoscunque homines, cum benedictione Dei: Timete et honorate, laudate et benedicite. Gratias agite et adorate Dominum Deum omnipotentem in trinitate et unitate, Patrem et Filium et Spritum sanctum, creatorem omnium. Facite poenitentiam, agite dignos fructus poenitentiae, quia scitote, quod cito moriemur. "Date et dabitur vobis; dimittite, et dimittetur vobis, " et si non dimiseritis, Dominus non dimittet vobis peccata vestra. Beati, qui moriuntur in poenitentia, quia erunt in regno coelorum. Vae illis, qui non moriuntur in poeniientia, quia erunt filii diaboli, cujus opera faciunt, et ibunt in ignem aeternum. Cavete et abstinete ab omni malo et perseverate usque in finem in bono.