De recursu fratrum administrum, et quod aliquis frater non vocetur prior.
Fratres, in quibuscunque locis sunt, si non possunt vitam nostram observare, quam citius possunt, recurrant ad suum ministrum, hoc ipsi significantes. Minister vero taliter studeat eis providere, sicut vellet sibi fieri, si in consimili casu esset. Et nullus vocetur prior, sed generaliter omnes vocentur fratres minores, et alter alterius lavet pedes.