348. De uno Confessore.

1 a. Isti sancto confessori
Angelorum sancti chori
Occurrerunt obviam

1b. In hac die, quando sursum
Fuit post hunc vitae cursum
Assumptus ad gloriam.

2 a. Hic ab omni carus gente,
Sanctus verbis, sanctus mente,
Sanctus ab infantia;

2 a. In quem mansit Elisaei
Praedicando verbum Dei
Spiritus et gratia.

3 a. Hic in omni sua vita
Vixit sicut eremita,
Pater abstinentiae;

3 b. Desperantes confortabat
Et errantes revocabat
Ad viam iustitiae.

4 a. Pastorale pastor bonus
Sed invite sumpsit onus
Honoris impatiens ;

4 b. Gregem Dei bene pavit
Et aegrotos liberavit
Daemones eiciens.

5 a. Morbos pellens et languores,
Laudes Spernens et honores,
Tendens ad caelestia,

5 b. Sic componens suos mores
Ad caelestes vadit fores
Intrans cum laetitia.

6 a. Te precamur, pastor bone,
Actus nostros sic compone,
Quod spernamus vitia

6 b. Et mundemur a peccatis
Et vivamus cum beatis
In caelesti patria.