190. De sancta Birgitta Vidua.

1 a. Gaude caelum, terra plaude,
Nam Brigitta, digna laude,
Ut caeli sidus micuit;

1 b. Quantum potes, tantum aude,
Simplex namque sine fraude
Vitae normam praebuit.

2 a. Haec de regum ramis nata,
Iesu Christi sponsa grata,
Thronis caeli iungitur ;

2 b. Est egenis nutrix data,
Almanorum advocata
Et Sueciae praencitur.

3 a. Virgo mater hanc ornavit,
Serto miro coronavit
In aetate tenera;

3 b. Exhinc in se radicavit
Caritatem, qua fundavit
Passionis onera.

4 a. O relicta tu insignis,

Te praeclaris ornat signis
Tui sponsi passio

4 b. Et Mariae fide dignis,
Fulsit amor velut ignis
Cordis tui scrinio.

5 a. Dum in Sion tu fuisti,

Passum Christum tu vidisti,
Cruci quando affigitur ;

5 b. Domum panis cum venisti,
De Maria tibi Christi
Nativitas ostenditur.

6 a. En, sic Christus te dilexit
Sponsam suam, quam allexit,
Ut arcana panderes ;

6 b. Morum flores, quos detexit
Gnaris viris, in te nexit,
Ut eos argueres.

7 a. Vere felix, tu beata,
Quae in terris est levata
Ut Maria Magdalena,

7 b. Miris signis ac ornata,
Quibus constas exaltata
Ad Cherubim amoena.

8 a. Lepram mundans et attractis
Gressum praebens ac confractis
Fugansque daeraonia,

8 b. Surdos curans, caecis factis
Lumen reddis, morte tactis
Das vivendi spatia.

9 a. Ergo, mater et matrona,
Nostra pia sis patrona,
Interventrix sedula,

9 b. Trinitas ut altithrona
Sempiterna nos corona
Laetificet in saecula.

J91. De sancta Birgitta Vidua.

1 a. Insistentes cantilenae

Conformemus philomenae
Voces et praecordia,

1b. Cum de mundo philomena
Cantans volat ad amoena
Paradisi gaudia.

2 a. Nos Brigittam venerantes
Decet esse sic laetantes
In eius sollemniis,

2 b. Ut ipsius imitemur

Actus, mores comitemur
Cum dignis obsequiis.

3 a. Haec est, cui insinuatur,
Loci templi revelatur
Admiranda formula.

3 b. Felix, cui manifestatur,
Felix, a quo confirmatur
Salutaris regula.

4 a. Matri Samuelis Annae
Similatur et Susannae
Cor figens in Domino:

4 b. Revelatrix secretorum
Sine fine beatorum
Gloriatur praemio.

5 a. Haec est doctrix disciplinae,
Dei custos a ruinae
Mundanae periculis;

5 b. Caritate redimita,

Fide pollens, clara vita
Claruit miraculis

6 a. Gravi morbo praegravatae
Moniales sunt curatae
Tangendo reliquias ;

6 b. Pestem fugat spiritalem,
Febrem pellit triennalem,
Leprae purgat maculas.

7 a. Dum blasphemus dehonestat
Sponsam, iudex manifestat,
Vindictam blasphemiae,

7 b. Sed a feris agitatus
Recognoscit hic reatus,
Locum petens veniae.

8 a. Caeci vident, currunt claudi,

Congaudentes eius laudi

Reviviscunt mortui;

8 a. Aquis maris couquassatos
Plures reddit consolatos
Voluptatis portui.

9 a. O Brigitta, mater pia,
Contristatis in hac via
Pia da remedia;

9 b. Per hoc tenebrosum mare
Duc nos, quo possimus clare
Videre caelestia.