69. In Assumptione BMV.

la. Sanctae Dei genetricis
Festiva sollemnia,

1b. Qua sanatur peccatricis
Morbus et infamia,

2 a. Nos invitat ad aeterna
Post baec transitoria,

2 b. Ut sit nobis coaeterna
Cum angelis gloria.

3 a. Stella maris exaltatur
Super caelos hodie,
Deus homo mire datur
Comes matri filiae.

3 b. Hac optatum reseratur
Nobis limen veniae,
Et pax sacra reformatur
Cum angelis glonae.

4 a. Virga Iesse floruit,

Virgo parit virginem,
Pater hunc, quem genuit

Deum, facit hominem;
Sic aeternum miro modo

Temporali iungitur,
Et fractura sine nodo

Dei posse suitur.

4b. Flos de spina pullulat

Rore sancti spiritus,
Draco victus ululat

Prole data caelitus;
Huius spinae flos fecundus,

Ante saecla genitus,
Facit, ut salvetur mundus

In maligno positus.

5 a. Hic est veras Elisaeas

Aquas mundans steriles,
Quo vincitur Amorraeus,
Ut sanentur humiles.

5b. Ferrum lapsum revocatur
Natans ad manubrium,
Virgo mater exaltatur
Assumpta per filium.

6 a. Cortex siccus distillavit
In sudore balsamum,
Virginalem subintravit
Mire Deus thalamum ;

6 b. Et sic vellus irrigatur
Misso rore caelitus,
Et caelorum reseratur
Captivatis aditus.

7 a. Olla grandis praeparatur,
Plena colocynthidis;
Mors in olla, vita datur
Propter partum virginis ;

7 b. Sic, quod tegit umbra legis
In amaritudine,
Virtus pandit nati regis
Ex Maria virgine.

8 a. Qui de stella nascitur,
Iubar veri luminis,
Carne nostra tegitur
Solus expers criminis.

8 b. Humanatus hominem
Reducit ad patriam
Assumendo virginem
Matrem nobis praeviam.

9 a. Haec assumat nos assumpta
In caelis cum filio,

9 b. Ut antiquitus absumpta
Reddatur possessio.