258. De s. Iohanne Chrysostomo.

la. Glorioso Chrystomo

Laudes promat omnis homo
Cum cordis laetitia;

1b. Nam pro magnis virtutibus
Simul cum sanctis omnibus
Triumphat in gloria.

2 a. De nobili prosapia
Ex urbe Antiochia
Nobis ortu claruit ;

2 b. Scientia multa fretus,
Sapientia repletus
Quasi sol resplenduit.

3 a. Dum mundus sibi floruit,
Tunc mundo mundus aruit ;
Quae mundi sunt, ne-
gligens

3 b. Vixit in abstinentia
Atque cordis munditia,
Castitatem diligens.

4 a. Statum quietum deligens
Et in Deum cor erigens
Horis stetit singulis;

4 b. Exemplaris vita fuit,
Sanam doctrinam docuit
Sermonibus sedulis.

5 a. Ad dignitatem praesulis
A clericis et populis
Assumptus est humilis.

5 b. Sollicitus officio,
Discretus in iudicio
Non erat tunc similis.

6 a. Pravis vita dissimilis,
Inimicis odibilis

Propter Deum patitur;

6 b. Patienter dura ferens,
Corrigendo nullum verens
Tremendus efficitur.

7 a. Ab invidis despicitur
Et a bonis diligitur
Propter verbi gratiam.

7 b. Terrae motas, dum pellitur,
Fit, et grando consequitur
Monstrans innocentiam.

8 a. Casu Cirinus calcatus
Pede febreque multatus
Corruptus interiit.

8 b. Saevus quidam morti datus
Sancti prece liberatus
Sanctum laudans rediit.

9 a. Hic iuxta templum statuam
Stantem Augustae fatuam
Redarguit publice.

9 b. Gamam, virum tyrannicum
Ac perversum baereticum,
Convertit mirifice

10 a. Simul et Macedonium ;
Post lapidis prodigium,
Sacri panis mysterium,
Credit uxor penitus.

10 a. Hinc a Basilisco pio
Fit sibi revelatio
De mortis die proprio
Felicisque transitus.

11a. In divino spiramine

Os Aureum cognomine,

Iohannes primo nomine

Vocatur ab omnibus.

11b. Fideique catholicae

Doctor plurimo codice
Declaravit veridice
Credenda fidelibus.

12 a. Chrysostome gloriose,
Sancte Dei pretiose,
Caritatis viscerosae,
Qua perfluis copiose,
Nos adiuva precibus.

12 b. Tot qui subisti labores
Ad salvandos peccatores,
Deum pro nobis exores,
Ut post saeculi languores
Det frui caelestibus.