150. De sancto Achatio et sociis.

1 a. Imperator supernorum,
Iesu Christe, angelorum,
Rex regum et Dominus,

1 b. Fons, lumen indeficiens.
Omne bonum perficiens
In denis milibus martyribus.

2 a. Egorenos, Euphratenses
Tyronum Christicaeduntenses
Divino iuvamine.

2 b. Post triumphum in cacumen
Montisscandunt,adestlumen
Angelico solamine.

3 a. Achatius, dux inclitus,
Signifer Chatberius
Cum sanctis militibus

3b. Christum clarepraedicarunt,
Deos falsos reprobarunt
Coram septem regibus.

4 a. Ut leones Babylonis

Mali reges Christi greges
Saevientes laniant.

4b. Iacent sancti lapidati,

Torti caesi, vulnerati,

Cruor pius emanat.

5 a. Dei servata gratia,
Angelica custodia

Super clavos ter acutos
Vadit Dei populus
Illaesis gressibus.

5 b. Iesu Christo, vero duce,
Uti pendentis in cruce
Apertis lateribus
Lictoris cuspidibus
Fluit rivus purpureus.

6 a. Unguut capita cruore,
Ut hoc baptizentur rore,
Orat vir Theodorus.

6 b. Clamat turba paganorum
"Ecce, reges Iudaeorum"
Serpentinis vocibus.

7 a. Sic spinis galeati
Vulneribus armati
Expugnant Phlegeton;

7 b. Vincunt mortem ut Sampson,
Pugnant ut dux Gedeon,
Nunc regnant in Sion.

8 a. Pretiosi agonistae

Te Sequuntur, Iesu Christe,
Ad crucis patibulum.

8 b. Ararath, mons spatiosus,
Te perfudit pretiosus
Rubens sanguismartyruni.

9 a. Crucifixi crucem laudant.
Crucifixo laudes cantant
In crucis supplicio.

9 b. Sol retraxit radium,

Mons se reddit tremulum
Iustorum martyrio.

10a. Sonat vox sanctis divina:
Vos qui rogant in hac ima
Valle miseriae,

10 b. Ut petistis, mi dilecti,

His protector, pius rector
Custos ero clementiae.

11a. Post felicem militiam
Sancti recipiunt palmam
Cum beatis in caelis.

11b, Soluti a stipitibus
Angelicis manibus
Conduntur sancti sepulcris.