93. De Beata Maria V.

la. Gaude, rosa, salus mundi,
Te laudamus laetabundi
Regnantem in patria ;

1b. Totus orbis hilarescat,
Et virtutis ardor crescat
In tui memoria.

2 a. Mater Dei, fax amoris,
Lux dctrinae, sal dulcoris,
Virgo, mons iustitiae.

2 b. Thalamus es salvatoris,
Sola fructus es odoris,
Caro carens carie.

3a. Et quid ita dices dignum?
Angelicum videns signum
Eius sub admonitu

3 b. Credit plane veritatem
Et concepit deitatem,
Sancto plena spiritu.

4 a. Super omnes ornamento
munda est et humilis,
Ex conceptu sub momento
alvus tumet virginis.

4 b. In senectute gravida
Elisabeth quaeritur,
Infans gaudet, Dei virtus
ab utroque solvitur.

5 a. Tempus partus dum finitur,
Bethlehem Christus nascitur
Potestate libera:

5 b. Evae culpa tunc deletur,
Prophetia adimpletur,
Virgo fit puerpera.

6 a. Visa stella per donorum
Species claret Magorum
Fides necessaria ;

6 a. Nam personam signant unam,
Sed nec tacent opportunam
Naturae distantiam.

7 a. Templo natus praesentatur,
Senis ulnis baiulatur,
Fit legis impletio ;

7 b. "Nune dimittis tunc cantatur,
Orbis totus luminatur,
Digna res praeconio.

8 a. Virga Iesse, decus mundi,
Mentis pressae spes, profun di
Limes, vota gemebundi
Cordis audi, domina ;

8 b. Solve moles et excusa,
Sicut soles, ne confusa
Sit mens nostra, sed exclusa
A mundi versutia.

9 a. Fons hortorum appellaris
Et es stella dicta maris
Atque portus salutaris,
Luna sine nubilo ;

9 b. Tu pigmentis suavior
Cunctisque rosis gratio r
Omnique luce clarior.
Deum gestans gremio.

10 a. Te laudantes
Et mirantes

Pulchrae Sion filiae
Illustrari
Et ornari

Tua gaudent specie ;

10 b. Te decoram
Ut auroram

Universi proferunt ;
Te electam
Et perfectam,

Te reginam asserunt.

11a. Virgo lenis,
Nos a poenis

Salva gehennalibus,
Nec substerni
Nos inferni

Sinas cruciatibus:

11b. Noxas dele
Parentelae

Nostrae tuis precibus,
Et da cunctis
Nobis iunctis

Frui bonis omnibus.