147. De Beata Maria V.

1 a. Osculetur nos dilectus
Deus, nostra carne tectus
Coniunctus et homini,

1b. Cuius aula nuptialis
Fuit tuus virginalis
Venter, mater Domini.

2 a. Christum fide concepisti,
Virum in te conclusisti,
Cum perfecto corpore.

2b. Hortum clausum voluptatis
Sponsus intrat castitatis
In veniali tempore.

3 a. Tua nardus dat odorem,
Dum salutas seniorem,
Clausus ventre iubilat;

3 b. Elisabeth protestatur
Te beatam, mutus fatur,
Prophetia rutilat.

4 a. Salve, virgo virginum,
Sine poena Dominum
Paris intra stabulum:

4 b. Infans iacens pulvere
Venit flores legere

Ad caelestem hortulum.

5 a. Rex Messias nobilis
Vagit parvus, humilis,
Coram animalibus:

5 b. Lapidem hunc anguli
Duo colunt populi

Cum magis, pastoribus.

6 a. O Maria, iam mirare
Et in corde dilatare
Prae magna laetitia;

6 b. Ad te currunt omnes gentes,
Dicunt tamquam tequaerentes:
Ave, plena gratia.

7 a. Tu mons, de quo lapis caesus
Sine manu, puer Iesus,
Mundi perdit statuam;

7 b. Ipsa mons es, in quem gentes
Fide scandunt, ut credentes
Intrent vitae ianuam.

8 a. Adam, Eva dum offendunt,
Uno pomo mundum vendunt,
Damnatur posteritas ;

8 b. Tu et Christus uno corde
Mundum lavistis a sorde,
Laxatur austeritas.

9 a. Christus carne patitur
In salutis pretium,
Tua mens transfigitur
Per doloris gladium ;

9 b. Christi resurrectio

Mundo vitam nuntiat,
Pro tanto solacio
Tua mens tripudiat.

10 a. Salve, templum trinitatis,
Quae totius sanctitatis
Praebes exemplaria ;

10 b. Mundum pie salutasti,
Dum Birgittae revelasti
Secreta caelestia.

11a. O regina coronata,

Veste fulges deaurata,
Super omnes sublimata,
Ordines caelestium;

11b. Nos dignare visitare,
Ut possimus te laudare
Et in bello fortes stare
Contra fraudes hostium.

12 a. Tu es nostra mediatrix,
Advocata, consolatrix,
Super vinum et unguentum
Tuaemammae dantfomentum,
Fove, lacta parvulos:

12 b. Procede cum tuo nato,
Rege caeli coronato,
Veni, terris imperare,
Ut plebs possit exaltare
Tuae laudis titulos.