77. De Beata Maria V.

1. Orbis continens cuncta

2 a. Deus caelestia

simul patravit condiditque
praevidens ubique,

2 b. Disponens sophia

sua, quam genuerat ante
saecula omnia,

3 a. Quam patriarchis
imbuit, prophetis
olim dando
multa commoda.

3 b. Quod Isaias,
Ieremias simul
et ceteri
cuncti nuntiant,

4 a. Quodque ventura foret ;
nam in posteris
omnibus esse
patula omnia
patrata
a Deo praemia.

4 b. Sed Iohannes, credulus
scilicet vates,
praestum adnuit,
quem vates atque lex
prophetaverat,
Dei agnum esse.

5 a. Nam, ecce, illum
virgineus verus
conclusit uterus,
licet modicus ;

5 b. Vagit in cuba,

qui continet cuncta,
ceu infans agit,
balat ut agnus.

6 a. O quam beata
est illa,

quae meruit digna
fieri mater,

praebere lac, panis qui
est ipse angelorum !

6 b. O quam beatae
et mammae,
quas suxerunt verae
et pretiosae
labiae illae ore
summi filii Dei !

7 a. Iam nos consona
clamemus tuba
ad illam, quae adfuit
delendis culpis ;
almus rex elegit sponsam,

7 b. Cui Gabriel
fatur angelus:
Ave, gratia plena,
Dominus tecum,
laetare, virgo Maria.

8 a. O quam pulchra
sola ipsa
virgo mater,
qualis nulla
est nec fuit
nec erit in saeclal

8 b. Cuius alvus
mire tantus,
lucidior
ut sol, luna,
astra omnis,
splendentia cuncta.

9 a. Rationabilis cui
famulat, oboedit
omnis creatura,
adesse poscit
precatura
cui curam

9 b. Et de omnibus maxime
emptis pretioso
Christi sanguine,
nomina quorum
scripta sunt in
libro vitae.

10 a. Sancta, sanctissima, ora
pro tuis iam,
Maria,

qui ad tua assumus
sollemnia.

10 b. Stella pretiosa maris
vocitaris,
electa,

iuva devotis tuis,
O domina.

11. Gloria summa,

Iaas Christo per saecla.