19. In Resurrectione Domini.

Sabbato in Albis.

1 a. ''Regis aelerni gloria,
''Christus, virtute magna

1b. ''Surrexit ab umbris,
''leo de tribu Iuda,

2 a. Tertio die

post tolerata patibula

2 b. Et crucem, qua pro
salute pependit humana.

3 a. Destruxit enim
hic barathri
claustra maligni
et fregit impetu valvas;

3 b. Bellando potens
arripuit
daemonia, sic
protexit impia colla;

4 a. Davidis honesta
recinens famina:

4 b, Quod fortis et potens
Dominus sit ad
omnia bella.

5 a. Nunc sustulit etiam
beatorum omnium
animas et prophetas,

5 b. Quas daemon habuerat
tortuosus recubando
voragine taetra.

6 a. Hinc mulieri

apparuit, cum voluit,
quae est nomine dicta
Maria,

6 b. Quam turba prius
daemonica vexaverat
est et hoc miserante
curata.

7 a. "Nolo, tangas ", ait,
" manibus, Maria,
Sed cito veloci
tramite nuntia
fratribus, nunc adeant
mente bona,
me cernant
ut in Galilaeam,

7 b. Et Petro fideli
replicans indica,
Quod non tenuerunt
Dominum tartara,
Sed, ut, ecce, tu vides,
iam remeat,
iam cuncta
creata gubernat".

8 a. Cuius, petimus,
nobis tribuat
resurrectio vera,

8b. Ut mereamur

regna cum sanctis
obtinere beata

9. Et dulcia cantica
concinamus in aethera.