67. In Assumptione BMV.

1 a. Iubilantes

exsultant hodie
Caeli cives

in summa curia;
Mater enim

regis iustitiae
Assumpta est

in caelum, Maria.

1 b. Tota venit

trinitas obvia,
Matri natus

et pater filiae,
Quam sequitur

caeli militia
In vocibus

psallens laetitiae.

2 a. Angelorum

requirunt agmina:
Quae est ista

perpulchra domina,
De deserto

mundi ingrediens,

2b. Cuius genae

rubent ut fragmina
Punicorum,

carnisque sarcina
Corruptelae

carnis Testi nesciens ?

3 a. Ut consurgens

aurora gradiens,
De tenebris

Aegipti prodiens,
Nova nobis

prodacens lumina.

3 b. Lunae iubar

illi conveniens,
Sol eclipsim
minime patiens,
Quae subintrat
caelorum limina.

4 a. Cum laudibus,

hymnis et canticis
Ab omnibus

illa suscipitur,
Quam prae cunctis

suis domesticis
Suavius

Christus amplectitur.

4b. Sic gaudiis

cum permagnificis
Ad gloriae

thronum deducitur,
Assistitur

choris angelicis
Et a summo

sponso diligitur.

5 a. Immortali

mortalis iungitur,
Ima summis,

terrena caelicis,
Unde nobis

spes certa traditur
Perfruendi

regnis pacificis.

5 b. Universi

laetemur igitur
Metuentes

furorem vindicis,
Advocata

nostra praemittitur,
Sponsa regis

et mater iudicis.

6 a. Haec hodie

migrat a saeculo,
Quam collocat
rex in cubiculo,
Ubi sua

secreta reserat;

6 b. Osculatur

ab eius osculo
Caritatis,

et pacis vinculo
Christus [sibi]
eam confederat.

7 a. Virginem hanc
sibi elegerat
Deus pater,
et praeelegerat
Habitandam
in tabernaculo ;

7 b. Cuius ille

votis obtemperat,
Dat, quod petit,
facit, quod imperat,
Suo praebet
veniam populo.

8 a. Non negare

filius poterit,

Quidquid eum
mater petierit,

Quae residet
in eius dextera.

8 b. Nostra nobis

ut laxet scelera,

Illi sua

denudat ubera,

Ut memor sit,

quis quondam fuerit.

9 a. O Maria,

mater puerpera,
Considera,

libera propera
Plebem tuam,

salva, quae deperit.

9 b. Praesentia

tua nos deserit,
Sed reperit

iter et aperit,
Quo nos post se

trahat ad supera.