9. Sequentia de V Vulneribus Christi."

1 a. Festinemus quidem vere
Omnes viti condolere,
Cum nos simus palmites ;

1b. Nocte, mane, omni hora,
Tota die sine mora,
Pauperes et divites.

2 a. Vitis huius sacer fructus
Fletum tergens nostri luctus;
Uvae botri manant pressae,
Vinum fundunt indefessae,
Hoc livari est necesse ;
Laborantes in hac messe
Implemus cellaria.

2 b. Pastor pius convocavit
Oves suas et cenavit,
Carne sua illas pavit,
Sanguine his propinavit,
Recreatas saturavit,
Totum corpus madiavit
Calcans torcularia.

3 a. Pedes lavans osculatur,
Confortando consolatur,
Fratrum corda stabilivit,
Tristis hortum introivit
Et a noto traditus.

3 b. Patrem orans in maerore
Guttae stillant cum cruore,
Agonizans in sudore,
Cohors adest cum furore,
Passioni deditus.

4 a. Vinctam caesum trahantIesum,
Praesentantes Annae laesum
Caiphae cum alapis:

4b. Detestantes hanc illudant,

Conspuentes sic detrudunt

Addentes cum colaphis.

5 a. Eiulatu extrahentes
Et ligatum offerentes
Pilati praetorior;

5b. Qui, cummissusadHerodem,
Est remissus ab eodem
Spretus consistorio.

6 a. Apprehensum flagellavit,
" Crucifige" cum clamavit
Gens et regem abnegavit,
Blasphemavit, coronavit
Manus militaria.

6 b. Fatigatum vapulantes,

Tam mansuetum deridentes,
Cruce Iesum onerantes,
Extra portam deducentes
Adeunt Calvaria.

7 a. Ruit cruce subcurvatus,
Cum iniquis deputatus
Est in dolo salutatas,
Percussus arundine.

7b. Crine, barba depilatus,
Oculis est calligatus,
Innocenter mox damnatus,
Detectus putredine.

8 a. Cruentatum corpus fixum
Crucis in patibulo
Extenderunt in prolixum,
Contrahunt funiculo.

8b. Recidivant vulneratum
Carnis in ergastulo;
Cernit mater rubricatum
Dolens cum discipulo.

9 a. Malleantur conclavatae
Cruci manus tensae late,
Chorda sonans dulciter ;

9b. Pedes stricti sic afflicti,
Perforati, lividati

Patrem placant iugiter.

10 a. Clamat: "Pater, his ignosce",
Orans pro lictoribus ;

10 b. Magis pati se non posse
Narrat in doloribus.

11a. " Mecum eris hodie
Mox in regno gloriae"
Latrone deprecante.

11b. Mortem deflet reproborum,
Pro salute salvandorum
" Sitio " clamante.

12 a. Matrem noto commendantem
Audi unigenitum,

12b. "Heli, Heli" exclamantem
Fidelem dans gemitum.

13 a. Fel aceto additum
Et ori oblatum,

13 b. Quo gustato auditum

Est et " Consummatum".

14 a. Certat victor in agone

Patri reddens spiritum;
Adest miles cum mucrone
Dire pungens filium.

14b. Tremit, fremit, conturbatur,
Velum templi scinditur,
Terra, petra, elementa.
Sol lamentis iungitur.

15 a. Vestes Christi sorti datae,
Vulnus trusum sparsit late
Sanguinem cum latice.

15 b. Agnus assus, panis pistus,
Cruce passus Iesus Christus
Offertur vivifice.

16 a. Est a cruce resolutum,
Pannis mundis involutum,
Sepulturae traditum ;

16 b. Corpus pulchrum sic detectum,
Immolatum et confectum
Est sigillis conditum.

17 a. Non cessemus memorari
Anguem, vitam speculari
Inimici praesidio.

17 b. Passione sua cara

Tam miranda quam amara
Nos reddit palatio.

18 a. Iesu Christe, victor bone,
Cor contritum cum latrone
Da, triumphum in agone,
Et contectos passione
Ducas ad caelestia.

18 b. Deprecantes, o Maria,
Haec threnosa theoria
Memorantes mox praeservet,
Sic redemptos ne demergat
Horrida molestia.