Congregatio de Causis Sanctorum 337

Dei professionem perpetuam emisit ac Mariae Margaritae sumpsit nomen.

His in adiunctis sub tutela Sacratissimi Cordis Iesu humiliter confugit, quod

ferventius praecavit instanterque se usque ad finem transitus huius mundi

in eiusdem officio manere rogavit. Paucis post diebus, sententia pergravis

et iam provecti abscessus naturae tubercularis ei dieta est. Margaritae atqui

acris corporis tempus inchoavit passionis, quam ipsa tranquillo, demisso

ac laeto animo pertulit.

Spirituale Servae Dei iter vero fere aeque fuit et Sanctae Teresiae a Iesu

Infante. Ad instar Sanctae illius Luxoviensis, ad voluntatem Dei perficien-

dam in cotidianis muneribus iugiter vixit ac fervorem missionis aluit protenta

oratione, praesertim pro bono puerorum sinensium et omnium eorum, qui

operam suam in Europa profundis humani cultus et societatis mutationibus

contra fidei praecepta magis magisque in dies dilacerata dabant. Pro salute

animarum amorem suum hostiae Deo obtulit et dominicae adhaesit Passioni

compatiens suamque integerrimam consummans conversationem. Virtutes

humanae et christianae fulserunt in ea assidua, ferventique precatione suf-

fultae. Fides pura, vivida benignitas erga Sorores socias, profunda oboe-

dientia moderatori spirituali et superiorissae communitatis et summa eius

servitus Regulae, quam veram viam sanctitatis semper prae oculis habuit,

eandem testem probatam et immo illustrem omnibus, qui eam convenissent,

effecerunt, in quos etiam fortitudinemet spem infundere valuit.

Die 13 mensis Maii anno 1933 pie in Domino quievit, firmiter confisa

quod seipsam et totam vitam suam Sacratissimo Cordi Iesu omnino com-

miserat.

Hanc ob eius sanctitatis famam, quae eam adhuc vivam comitata est,

Causa Beatificationis et Canonizationis apud Curiam Episcopalem Albae

Regalensem in Hungaria a die 30 mensis Septembris anno 1938 ad diem 1

mensis Iulii anno 1940 inita est per celebrationem Processus Informativi et

Processuum Rogatorialium, qui diversis in Curiis ecclesiasticis habiti sunt,

quorum auctoritas et vis iuridica a Congregatione de Causis Sanctorum die

19 mensis Maii anno 1989 probatae sunt.

Positione confecta, die 3 mensis Decembris anno 2010, in Congressu Pe-

culiari Consultorum Theologorum prospero cum exitu disceptatum est, iuxta

consuetudinem, an Serva Dei more heroum virtutes christianas exercuisset.