318 Acta Apostolicæ Sedis - Commentarium Officiale

Uti presbyter Paulino more ingentem liberalitatem et omnimodam de-

ditionem ostendit. Omnibus omnia factus, vitam impendit et consummavit

in munere Consiliarii Nationalis, ita suae vitae propositum exsequens. Sa-

cerdotium eius constans testimonium vitae orationis et sacrificii apparuit.

Servitii spiritu devinctus sive spirituali sive humano sensu, personis magis

derelictis et indigentioribus sacerdotibus subveniebat. Vitam gerebat ut ce-

teris serviret. Cordi erant illi aliorum difficultates et sollicitudines. Omnes

ad se euntes excipiebat. Ita pauper vixit ut ipsemet necessitatem pateretur,

in pace et Dei amore tantummodo ductus.

Gravi cordis dolore afflictus, anno 1959 coactus est relinquere munus

Consiliarii Nationalis. Tunc suscipiebat enim diuturnam et haud facilem

viam ascensionis in Calvarii montem, aegritudinis crucem baiulans, eo ut,

auxilio quoque oxygenii, laboriose respiraret, et nihil aliud facere posset, nisi

Crucifixum contemplaretur. Nihil supererant illi praeter fidem et cotidianam

eucharisticam communionem, quibus spiritualiter fulciebatur. "Attamen felix

erat, admodum felix".

Extremos vitae annos serene transegit ad supremum se praeparans sa-

crificium, quod Matriti in odore sanctitatis contigit die 28 mensis Augusti

anno 1964, tribus mensibus antequam sexaginta duos aetatis annos impleret.

Eius exuviae Matriti iacent in Oratorio sedis Associationis Peregrinantium

Ecclesiae, intra Sanctae Mariae Magdalenae paroeciam.

Sanctitatis fama rite perpensa, apud Ecclesiasticam Curiam Matritensem

inita est Causa beatificationis et canonizationis die 30 mensis Iunii anno

1994, quae ad finem vertit die 14 mensis Octobris anno 1998. Decretum

validitatis die 15 mensis Octobris anno 1999 vulgatum est. Huiusmodi Po-

sitio positivo exitu examinata est a Consultoribus Theologis in Peculiari

Congressu diei 10 mensis Iunii anno 2011. Cardinales et Episcopi, die 8

mensis Ianuarii anno 2013 congregati in Sessione Ordinaria, cui egomet

Angelus Card. Amato praefui, agnoverunt Servum Dei fastigium virtutum

heroicum in modum attigisse.

Facta demum de hisce omnibus rebus Summo Pontifici Francisco per

subscriptum Cardinalem Praefectum accurata relatione, Sanctitas Sua, vota

Congregationis de Causis Sanctorum excipiens rataque habens, hodierno die

declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tempe-