Congregatio de Causis Sanctorum 325

vita, singulari modo ob amorem erga Sanctissimum Sacramentum signifi-

cata necnon ob cultum erga Virginem Mariam et sanctum Ioseph. Aliena a temporaneis opibus atque, vestigia sequens sancti Francisci et sanctae Clarae, evangelicam dilexit paupertatem quam ostendit tam in vestimentis adhibitis quam in compositione habitaculi. Hanc vivendi formam cum so-

roribus communicavit, etsi prospiciebat ne necessaria sororibus deessent. Fortem se gessit in doloribus superandis gravi morbi qui eam postremis annis corripuit, super omnia cupiens Domini voluntatem adimplere.

Serva Dei Cracoviae die 7 mensis Februarii anno 1916 pie in Domino

obdormivit. Ob sanctitatis famam, a die 25 mensis Martii anni 1994 ad diem 15 men-

sis Aprilis anni 1996 apud Curiam ecclesiasticam Cracoviensem Inquisitio

dioecesana est acta, cuius iuridica validitas per decretum diei 13 mensis Decembris anno 1996 a Congregatione de Causis Sanctorum est approbata.

Parata Positione, die 5 mensis Novembris anno 2002 Sessio acta est Consul- torum Historicorum. Disceptatum deinde est, ad suetas normas, an Serva Dei virtutes heroico modo exercuisset. Die 16 mensis Decembris anno 2011 Peculiaris Consultorum Theologorum Congressus, positivo cum exitu, habitus est. In Sessione Ordinaria die 11 mensis Decembris anno 2012 Patres Cardi- nales et Episcopi, me Angelo Cardinale Amato moderante, edixerunt Servam Dei heroico modo virtutes theologales, cardinales iisque adnexas excoluisse.

Facta demum de hisce omnibus rebus Summo Pontifici Benedicto XVI per subscriptum Cardinalem Praefectum accurata relatione, Sanctitas Sua, vota Congregationis de Causis Sanctorum excipiens rataque habens, hodier- no die declaravit: Constare de virtutibus theologalibus Fide, Spe et Caritate tum in Deum tum in proximum, necnon de cardinalibus Prudentia, Iustitia,

Temperantia et Fortitudine, iisque adnexis, in gradu heroico, Servae Dei

Clarae Ludovicae Szczęsna, Cofundatricis Congregationis Servularum Ss.mi Cordis Iesu, in casu et ad effectum de quo agitur.

Hoc autem decretum publici iuris fieri et in acta Congregationis de Causis Sanctorum Summus Pontifex referri mandavit.

Datum Romae, die 20 mensis Decembris a.D. 2012.

AngeluS Card. AmAto, S.d.b. Praefectus

L. G S. G mArcelluS bArtolucci

Archiep. tit. Mevaniensis, a Secretis