328 Acta Apostolicæ Sedis - Commentarium Officiale

Fama sanctitatis, quae iuxta Dei Populum sponte augebatur, a die 13

mensis Iunii anno 1986 ad diem 13 mensis Decembris anno 1991 iuxta

Archiepiscopalem curiam Quitensem Inquisitio dioecesana acta est, cuius

iuridica validitas ab hac Congregatione de Causis Sanctorum per Decretum

diei 10 mensis Decembris anno 1993 est approbata. Exarata Positione, dis-

ceptatum est secundum normas an Serva Dei heroicum in modum virtutes

excoluisset. Die 27 mensis Septembris anno 2011 habitus est Congressus

Peculiaris Consultorum Theologorum positivo cum exitu. Patres Cardinales

et Episcopi in Sessione Ordinaria diei 6 mensis Novembris 2012 congregati,

me Angelo Card. Amato praesidente, agnoverunt Servam Dei virtutes theo-

logales, cardinales eisque adnexas heroum in modum excoluisse.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua,

vota Congregationis de Causis Sanctorum excipiens rataque habens, hodier-

no die declaravit: Constare de virtutibus theologalibus Fide, Spe et Caritate

tum in Deum tum in proximum, necnon de cardinalibus Prudentia, Iusti-

tia, Temperantia et Fortitudine eisque adnexis in gradu heroico, Servae Dei

Mariae Franciscae a Vulneribus (in saec.: Mariae Rosae Helenae Cornejo),

Fundatricis Congregationis Sororum Franciscalium Missionariarum ab Im-

maculata, in casu et ad effectum de quo agitur.

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 20 mensis Decembris a.D. 2012.

AngeluS Card. AmAto, S.d.b. Praefectus

L. G S.

G mArcelluS bArtolucci Archiep. tit. Mevaniensis, a Secretis