332 Acta Apostolicæ Sedis - Commentarium Officiale

MANILENSIS

Beatificationis et Canonizationis Servae Dei Consolatae Barceló y Pagés (in saec.:

Ioachimae Mariae a Mercede) Cofundatricis Congregationis Sororum Augustinia-

narum Dominae Nostrae a Consolatione (1857-1940)

DECRETUM SUPER VIRTUTIBUS

« Benedictus Deus et Pater Domini nostri Iesu Christi, Pater misericor-

diarum et Deus totius consolationis! » ( 2 Cor 1, 3).

Resonis quidem et iucundis vocibus, ut ita dicamus, Beati Pauli apostoli

iubilum iterat vita ac pietas Consolatae, Dei Ancillae (cui, dum saeculo vi-

veret, Ioachima Maria a Mercede Barceló y Pagés nomen erat). Haec enim,

dum eximia, ut christianae virtutis heroidas addecet, caritate indigentium

ac tenuiorium aerumnas, miserias, dolores mulcens ac relevans, Christum

ipsum, pauperem et humilem factum, coluit, Cui quidem mystico Sponso

perpeti fuit quodammodo laqueo revincta; sicque per praeclara virtutum

omnium exempla, quibus universa eius honestatur vita, Deum totius conso-

lationis diligentibus. Se numquam deesse locuples ipsa testis demonstrat.

Nata est haec lectissima virgo Barcinone, in suburbio, quod Hispani

vulgo Sarriá nominant, die 24 mensis Iulii anno 1857. Quae, cum inde a

pueritia sese divino afflatu ad capessendam umbratilem vitam, caelestium

rerum contemplationi deditam, vocari agnosceret, monialibus primo est

ascita Ordinis Equestris Sancti Ioannis Hierosolymitani; mox autem, quo

laborabat, vix depulso tumore, ad suos revertit. Convaluit tamen et, ut sa-

crum sibi liceret ingredi sodalicium, iterum postulavit: at in cassum missae

preces. Tandem viginti quinque annos nata in Augustinianam sodalitatem

sacrarum virginum, quas Beatas vulgato nomine appellant, in patria, uti

postulans cooptata: nam in eodem asceterio ipsa maior natu soror, sumpto

Rita cognomine, se Deo mancipaverat. Quae quidem Dei Ancilla anno 1883

in Philippinas insulas missa est (illuc enim sacras nonnullas e beaterio,

quod vocant, virgines ablegare constituerant Fratres Sancti Augustini, quae

Manilenses pueros, ob pandemas cholerae contagiones parentibus orbatos,

curarent); quo cum pervenisset, sacro rite deposito tirocinio, perpetuis Deo

votis sese obligavit. Postea ipsa mutata sede pro magistra novitiarum, quae