306 Acta Apostolicæ Sedis - Commentarium Officiale

sae apud ecclesiam Deo in honorem Reparationis dicatam deposita sunt;

corpora autem Ioachimi Jovaní Marín, Christophori Baqués Almirall, Tho-

mae Cubells Miguel, Laurentii Insa Celma, Vincentii Jovaní Ávila, Amaedei

Monge Altés, Iosephi Piquer Arnáu et Iosephi Pla Arasa nullomodo post

bellum civile recognosci valuerunt.

Super horum Servorum Dei martyrium, necnon super scripta et cultum

eorundem, apud Curiam Episcopalem Dertosensem a die 2 mensis Iulii

anno 1958 ad diem 1 mensis Iulii anno 1959, quoad primos quattuordecim

presbyteros pertinet, et apud Curiam Archiepiscopalem Toletanam a die

13 mensis Ianuarii anno 1958 ad diem 1 mensis Martii anno 1969, quoad

Michaëlem Amaro Ramírez pertinet,

Processus Ordinarii celebrati sunt, quorum auctoritas et vis iuridica a

Congregatione de Causis Sanctorum probatae sunt. Positione confecta, iuxta

suetum morem, die 3 mensis Februarii anno 2010, Congressus Peculiaris

Consultorum Theologorum factus est, in quo prospero cum exitu discepta-

tum an Servorum Dei mors verum martyrium fuisse. Patres Cardinales et

Episcopi in Sessione Ordinaria die 15 mensis Ianuarii anno 2013 habita,

cui egomet ipse, Angelus Cardinalis Amato praefui, agnoverunt mortem

supradictorum Servorum Dei ob fidelitatem erga Christum et Ecclesiam

confessam verum in odium fidei martyrium fuisse.

De hisce omnibus rebus, referente subscripto Cardinale Praefecto, cer-

tior factus, Summus Pontifex Franciscus, vota Congregationis de Causis

Sanctorum excipiens rataque habens, hodierno die declaravit: Constare de

martyrio eiusque causa Servorum Dei Ioachimi Jovaní Marín et XIV Sociorum,

Sodalitatis Sacerdotum Operariorum Dioecesanorum Cordis Iesu, in casu et

ad effectum de quo agitur.

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 27 mensis Martii a.D. 2013.

AngeluS Card. AmAto, S.d.b. Praefectus

L. G S.

G mArcelluS bArtolucci Archiep. tit. Mevaniensis, a Secretis