314 Acta Apostolicæ Sedis - Commentarium Officiale

cationis studio nitebatur: videres enim eum multas per horas vel Sacrosanc-

tae Trinitatis Sacratissimique Cordis Iesu contemplationi addictum, vel

coram Altaris Sacramento Divini Amoris flammis accensum, vel denique

Beatissimae Deiparae preces adhibentem. Omnium ergo virtutum exempla,

quibus universa honestatur eius vita, ex tanta pietate ac diligentia veluti

e purissimo aquarum fonte ultro manasse nemo non videt. Non est itaque

mirum si eum populus, ubi ex vitae huius tenebris ad sempiternam lucem

excessit, sanctum habere ac recolere coepit, cum inter omnes constaret ipsum

egregia, quae dedisset, documenta virtutis non sine divino afflatu dedisse.

Sed tot tantisque laboribus fractus, infirmitate patientissime tolerata,

Placentiae die 18 mensis Martii anni 1897, in pervigilio festi Beati Ioseph,

quem praecipua veneratione colebat, pie obdormivit in Domino.

Percrebrescente vero ipsius sanctitatis fama, in ecclesiastica curia

Placentina in Hispania, a Kalendis Iuniis anni 1991 ad diem 26 mensis

Novembris anni 1994, dioecesana Inquisitio est peracta; quam quidem in-

vestigationem haec ipsa Congregatio de Causis Sanctorum, edito Decreto

die 3 mensis Februarii 1995, legitime probavit. Praeparata igitur Positione

habitoque die 13 mensis Ianuarii 2004 Consultorum de re historica con-

ventu, Theologi Consultores, die 26 mensis Martii 2011, in Peculiari, quem

vocant, Congressu sedentes, favorabilia dixere vota. Dein propositum est

dubium in Ordinaria Sessione, quae die 5 mensis Februarii 2013 proxime

elapsi coacta est, cui praefui ego Angelus Card. Amato, Congregationis

de Causis Sanctorum Praefecto; in qua cuncti, qui intererant, tum Patres

Cardinales tum Sacrorum Antistites Causis Sanctorum tractandis, ipsius Dei

Famuli virtutes, sive theologales sive cardinales, iisque adnexas, ad gradum

heroicum pervenisse adfirmarunt.

Facta demum de hisce omnibus rebus Summo Pontifici Francisco per

subscriptum Cardinalem Praefectum accurata relatione, Sanctitas Sua, vota

Congregationis de Causis Sanctorum excipiens rataque habens, hodierno die

declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tem-

perantia et Fortitudine, iisque adnexis, in gradu heroico, Servi Dei Eladii

Mozas Santamera, Sacerdotis Dioecesani et Fundatoris Sororum Iosephinarum

a SS. Trinitate, in casu et ad effectum de quo agitur.