Congregatio de Causis Sanctorum 327

et violationum, quae contra Iesum Eucharisticum committerentur. Patris

spiritualis approbatione, die 4 mensis Iunii anno 1897 Serva Dei una cum

tribus sororibus in domum spiritualium exercitiorum antiqui conventus Sanc-

ti Didaci in urbe Quitensi secessit et communitatem fundavit. Quattuor

post annos, in quibus excruciatae erant, Archiepiscopus Quitensis primas

constitutiones et novitiatum adprobavit. Serva Dei, quae nomen Mariae

Franciscae a Vulneribus suscepit, die 5 mensis Iunii anno 1902 religiosam

professionem cum primae originis sororibus emisit. Postea magis magisque

vitam suam secundum exemplum Sancti Francisci Assisiensis formavit, oboe-

dientiam, paupertatem, castitatem et paenitentiam exercens, ut profundio-

re animo contemplaret et eucharisticum mysterium adoraret. Multis rebus

in adversis Soror Maria Francisca a Vulneribus fide, prudentia, caritate

obstitit; solidissima fide in Deum fulciebatur et a Spiritu sponte duci ma-

lebat; orationes et accessus ad Sanctissimum Sacramentum multiplicabat.

Septem annis actis, Archiepiscopus Quitensis dioecesanam adprobationem

iuveni operae concessit. Serva Dei novitiarum nominata est magistra, quas

materno et firmo afflatu ad exactam oboedientiam tam Constitutionibus

quam regimini franciscali educavit. Anno 1921 generali in capitulo Antisti-

ta superior electa est et mulier fuit magni et profundi animi, gubernandi

capacitate praedita, novasque spes Instituto offeruit.

Spiritualibus filiabus immolationis, refectionis animum et salutis anima-

rum vehementem cupiditatem commendavit. Concretum, constans, promp-

tum et laetum exemplum christianarum virtutum iis virginibus praebuit. Dei

amore abundans plurima opera caritatis derelictae iuventuti, pauperibus,

aegrotis, in carcerem inclusis incohavit et favit. Alacritatem in sui obla-

tionem, firmam pietatem, orationis constantiam, incitationem in exercitiis

expiationis etiam corporalibus, devotionem in Viae Crucis piam consuetudi-

nem ostendit. Animi vis, qua Soror Maria Francisca a Vulneribus virtutum

in exercitio et in caritatis operibus pollebat, fiebat ex profundissima pietate

in Eucharistiam, ex Sacrorum librorum commentatione et ex cotidiana com-

paratione Sanctorum cum vita, cuius nitor magnum impulsum suppeditabat

ad iter heroum generose comitandum. Summam virtutem, qua longa sui vita

amplie exornavit, Serva Dei exercuit et confìrmavit usque ad supremum

sacrificium, serenitatem animi servans, etiam cum « soror mors » eius in

cospectum venit et lumina eius, die 24 mensis Octobris anno 1964, clausit.