Congregatio de Causis Sanctorum 331

Fama sanctitatis qua in vita claruit, post eius mortem increbruit, iuxta

curiam Neapolitanam a die 2 mensis Iulii anno 1980 ad diem 20 mensis

Augusti anno 1986 celebratus est Processus Cognitionalis, cuius iuridica

validitas ab hac Congregatione de Causis Sanctorum approbata est per De-

cretum diei 26 mensis Februarii anno 1993. Exarata Positione, disceptatum

est ex norma an Serva Dei heroicum in modum virtutes coluisset. Die 4

mensis Novembris anno 2011 habitus est Congressus Peculiaris Consulto-

rum Theologorum, positivo cum exitu. Patres Cardinales et Episcopi die

29 mensis Octobris anno 2012 in Sessione Ordinaria, me Angelo Cardinale

Amato praesidente, agnoverunt Servam Dei virtutes theologales, cardinales

eisque adnexas heroum in modum excoluisse.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua,

vota Congregationis de Causis Sanctorum excipiens rataque habens, hodier-

no die declaravit: Constare de virtutibus theologalibus Fide, Spe et Caritate

tum in Deum tum in proximum, necnon de cardinalibus Prudentia, Iustitia,

Temperantia et Fortitudine iisque adnexis, in gradu heroico, Servae Dei Clau-

diae Russo, Fundatricis Sororum Filiarum Pauperum a Visitatione Beatae

Mariae Virginis, in casu et ad effectum de quo agitur.

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 20 mensis Decembris a.D. 2012.

AngeluS Card. AmAto, S.d.b. Praefectus

L. G S.

G mArcelluS bArtolucci Archiep. tit. Mevaniensis, a Secretis