Congregatio de Causis Sanctorum 305

12. Sebastianus Segarra Barberá die 28 mensis Martii anno 1894 in

vico Pauls, intra fines provinciae Tarraconensis ac dioecesis Dertosensis,

natus est. Die 12 mensis Augusti anno 1918 Sodalitatem ingressus est et

die 1 mensis Novembris anno 1919 presbyteratu auctus. Ministerium suum

pro futuris sacerdotibus Cordubae, Gienni, Burgi, Belchiti, Murtiae, Orceli,

Valentiae et Dertosae impendit. Barcinone apud coemeterium Curtis die 5

mensis Octobris anno 1936 martyr occubuit.

13. Iosephus Maria Tarín Curto die 6 mensis Februarii anno 1892 in

vico Sanctae Barbarae, intra fines provinciae Tarraconensis ac dioecesis

Dertosensis, natus est. Die 2 mensis Iunii anno 1917 presbyteratu auctus

est et die 11 insequentis mensis Augusti Sodalitatem ingressus. Ministerium

suum alumnis Seminariorum Dertosae, Belchitis, Burgi, Legionis, Asturicae,

Toleti et Caesaraugustae instituendis impendit. Dertosae die 28 mensis Oc-

tobris anno 1936 martyr occubuit.

14. Ioannes Vallés Anguera die 21 mensis Decembris anno 1872 in vico

Darmós, intra fines provinciae Tarraconensis ac dioecesis Dertosensis, natus

est. Die 26 mensis Augusti anno 1897 Sodalitatem ingressus est et die 7

mensis Iunii anno 1898 presbyteratu auctus. Ministerium suum vocationibus

ad sacerdotium curandis Murtiae, Burgi, Valentiae, Cornavacae in Mexi-

co, Gienni, Barcinone, Segobiae, Tarracone, Hispali, Dertosae et Belchiti

impendit. In eodem patrio vico Darmós die 9 mensis Augusti anno 1936

martyr occubuit.

15. Michaël Amaro Ramírez die 8 mensis Maii anno 1883 in vico El

Romeral, intra fines provinciae et Archidioecesis Toletanae, natus est. Die

9 mensis Iunii anno 1906 presbyteratu auctus est et die 12 mensis Augusti

eoden anno Sodalitatem ingressus. Institutoris functus est officio alumnorum

Seminariorum Toleti et Legionis et apud Collegium pro vocationibus curandis

Conchae et Valentiae. Toleti die 2 mensis Augusti anno 1936 martyr occubuit.

Martyrium donum Spiritus est, quod vitam virtutibus suffultam sequi

solet. Quindecim hi martyres vero sacerdotii virtutum adeo praebuerunt

exemplum, ut ipsis vere martyrium presbyteralis conversationis apostolico

ministerio innisae esset corona.

Exuviae Michaëlis Amaro Ramírez, Iosephi Emmanuelis Claramonte

Agut, Matthaei Despons Tena, Iosephi Prats Sanjuán, Sebastiani Segarra

Barberá, Iosephi Tarín Curto et Ioannis Vallés Anguera anno 1947 Derto-