Congregatio de Causis Sanctorum 329

NEAPOLITANA

Beatificationis et Canonizationis Servae Dei Claudiae Russo Fundatricis Sororum

Filiarum Pauperum a Visitatione Beatae Mariae Virginis (1889-1964)

DECRETUM SUPER VIRTUTIBUS

« Adorabilis Iesu, ad pedes tuos procumbens, tibi munus offero, quod Tu

ipse concitavisti et quod pro certo habeo Tuo Divino Cordi gratum futurum

esse. Totius meae vitae finis Tui amor est ».

His verbis Serva Dei Claudia Russo, die 2 mensis Iulii anno 1937, vo-

luntatem perfectionis iter suscipiendi ad Domini Iesu amorem perfecte

amplectendum significabat. Tota vita eius testimonium istius constantis et

cohaerentis studii fuit.

Serva Dei nata est die 18 mensis Novembris anno 1889 in loco v. d.

Barra, Neapolis populari agricolarum et operariorum regione, quae olim

municipium liberum constabat. Quinta ex decem filiorum magnae familiae,

una cum humanis et christianis principiis suscepit etiam singularem huma-

nitatem erga indigentiores et, iam ab adulescentia, eos magnanimitate et

ingeniose adiuvit. Post ludum studia persequi noluit, ut potius domesticis

officiis vacaret. Decimum tertium annum aetatis agens, se perpetuam vir-

ginitatem servaturam esse vovit, deinde parentum adsensu soror domestica

evasit, consuetudo autem crebro usitata meridiana in Italia.

Etiam si Serva Dei recessum diligeret, exemplum et magistra multis

puellis regionis Barra facta est. Parochus eius, ut nonnullas iuvenes mulieres

dirigeret ad caritatis opera adimplenda, senibus et aegrotis illius regionis

consulendo, ei mandavit. Arduum et laboriosum officium videbatur, quia

miserrimis in conditionibus et locis propter primi belli totius orbis terrarum

exitus fiebat. Eius orationis vita extendebatur hoc modo maximo studio

docendo Christianam doctrinam et proximis caritate adiuvando praecipue

erga aegrotos. Hoc in officio incepit secum trahere alias iuvenes, quae

cum illa conveniebant. Statuit cum illis ut, caritatis causa, diurno tempore

pro familia agrorum opera exercerent, nocturno autem tempore artem acu

pingendi et consuendi versarent.