Congregatio de Causis Sanctorum 335

Quamobrem, cum invaluisset in populo fama sanctimoniae, haud defuere

qui valde exoptarent ut ipsius Dei Ancillae causa quam primum susciperetur;

quod tamen consilium, taeterrimo in insula paulo post ipsius obitum bello

coorto, primo frustratum est. Tandem, anno 2002, causa agi coepta. Itaque

Manilae, a die 30 mensis Septembris anno 2002 ad diem 6 mensis Septem-

bris anno 2003, dioecesana Inquisitio est peracta; quam quidem haec ipsa

Congregatio de Causis Sanctorum, edito Decreto die 9 mensis Decembris

anno 2005, legitime probavit. Praeparata igitur Positione, tralaticio more

inita est disquisitio, an Dei Ancillae virtutes heroicum gradum attigissent;

de quibus in Peculiari, qui dicitur, Theologorum Consultorum Congressu,

die 22 mensis Novembris anno 2011, prospere habito, actum est. Quod

quidem dubium propositum est in Patrum Cardinalium et Episcoporum

Sessione Ordinaria, quae proxime elapso die 2 mensis Octobris coacta est,

quibus praefui ego Angelus Card. Amato. Omnes autem, qui adfuerunt, ip-

sius Ancillae Dei virtutes, sive theologales sive cardinales, iisque adnexas,

ad gradum heroicum pervenisse, cunctis quidem suffragiis, affirmarunt.

Facta demum de hisce omnibus rebus Summo Pontifici Benedicto XVI

per me subscriptum Cardinalem Praefectum accurata relatione, Sanctitas

Sua, vota Congregationis de Causis Sanctorum excipiens rataque habens,

hodierno die edixit: C onstare de virtutibus theologalibus Fide, Spe et Caritate

tum in Deum tum in proximum, necnon de cardinalibus Prudentia, Iustitia,

Temperantia et Fortitudine, iisque adnexis, in gradu heroico, Servae Dei

Consolatae Barceló y Pagés (in saec.: Ioachimae Mariae a Mercede), Cofun-

datricis Sororum Augustinianarum Dominae Nostrae a Consolatione, in casu

et ad effectum de quo agitur.

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 20 mensis Decembris a.D. 2012.

AngeluS Card. AmAto, S.d.b. Praefectus

L. G S.

G mArcelluS bArtolucci Archiep. tit. Mevaniensis, a Secretis