Congregatio de Causis Sanctorum 333

indigenarum virginum principes in Augustiniana familia conversationem

affectarent, eademque pro moderatrice ludi pueritiae Mandaluyongensis,

collegio Taalensi praefecta est.

Anno autem 1897 et reliquo deinceps vertentibus, bello eadem implicato

pro Insularum libertate recuperanda atque tuenda suscepto. Nam ludum

pueritiae cum rebelles milites occupassent, in principem urbem, quae in

popularium suorum dicione ac potestate exstabat, refugii quaerendi cau-

sa, comitantes pupillas primam aciem pedibus traducere virgo fortissima

non dubitavit. Praevalentibus autem rerum novarum molitoribus, Hispanae

moniales in patriam redire sunt iussae: nam novum Augustiniani Fratres

curandis tuendisque pupillis inierant consilium. At Consolata, anno 1903,

quinto scilicet postquam domum reverterat, Rita sorore ab humanis exempta,

impensissimis indigenarum monialium precibus concedens (hae enim, loci

Ordinario auctore, superfuerant, eaedem angustiis perfunctae paene innu-

meris), deposito beaterii, quod vocant, moderamine, in Philippinas, nulla

comitante, reverti animum induxit. Quo cum pervenisset anno 1904, sa-

cri tirocinii primo domum rexit; dein Manilensi Collegio praefuit, Beatae

Deiparae a Consolatione dicato; inde primum totius nationis studiorum

domicilium gravioribus disciplinis privato sumptu atque Consilio tradendis

eadem administravit (cuius quidem disciplinae gradus et ordo Anglice High

School appellatur).

Anno vero 1915, generali coacto comitio, Consolata ad totius sodalitatis

gubernacula moderanda vocatur; idque supremum eidem munus reliquis dein-

ceps celebratis comitiis continuatum: nam et anno 1936, quamvis abdicasset,

Consilii sodalibus instantibus, facta ab Archiepiscopo Manilensium potesta-

te, eadem et octogenaria in eo, quod capessiverat, ministerio permansit.

Non mirum igitur si eadem antistita, qua erat alacritate ac providentia,

aliquantum floruit illa et adolevit Congregatio, cuius ipsa una cum Rita

sorore iure meritoque mater habetur legifera (quae quidem religiosa so-

dalitas Hispanice prius Hermanas Agustinas Terciarias de Filipinas, nunc

vero Anglice The Augustinian Sisters of Our Lady of Consolation nuncupata).

At praeclara haec Dei Ancilla, id quod constat inter omnes, dum mortalis

huius vitae usura fruita est, evangelicae omni tempore virtutis praestantia

mirum in modum enituit. Etenim catholicae fidei caritatisque robore adauc-

ta, cum in providentissimi Dei manibus omnem spem posuit, tum egenos

potissimum dilexit; eaque de religiosa, quam condiderat, familia impigram