Congregatio de Causis Sanctorum 743

culum contagionis adeo graves visae sunt, ut etiam post chirurgicam sectio-

nem puer, qui interdum domum redierat, acerbissimis corriperetur doloribus.

Iam vero postridie sceleris, amita quaedam Caroli Aloisii de hoc fato

Sorores Oblatas Sancti Francisci Salesii admonuerat, quarum scholae infir-

mulus erat alumnus. Atqui novitiarum magistra, quae reliquiam reverendi

fundatoris Aloisii Brisson secum habebat, familiae proposuit, ut supplicatio-

nibus novendialibus ad divinum confugerent auxilium, ut per intercessionem

Venerabilis Servi Dei sanationem pueri apud Deum impetrarent. Eadem die,

reliquia pedi vulnerato adiecta, preces suas iugiter adhibere qui aderant coe-

perunt, religiosae scilicet familiaresque et infirmus necnon et amicus quidam

eorundem, qui, christianae pietati omnino indifferens, orationem spectaverat

ac tanta eorum fide admodum perfructus erat. Qui ceterum orationes suas

interea fundere ferventer perseveraverunt. Enimvero, illis deinceps diebus,

valetudo infirmi ita ac valde aliter quam quod similibus conspici adsolet

in casibus proficere coepit, ut intra undecimum diem ab infausto Carolus

Aloisius plenum resumeret usum pedis ac, nullo superstite dolore, usitatae

deambulationis facultatum.

Continuatio temporis clarissime patuit, sicut et nexus inter invocationern

Servi Dei et completam Caroli Aloisii sanationem, qui exinde optima gavisus

est valetudine normalesque posthac vitae consuetudines gerere valuit.

De hac mira habita sanatione apud Curiam Archiepiscopalem Guayaqui-

lensem in Aequatoria a die 20 mensis ¡unii ad diem 27 mensis Iulii anno 1981

Inquisitio Dioecesana celebrata est, cuius auctoritas et vis iuridica a Congre-

gatione de Causis Sanctorum decreto diei 7 mensis Martii anno 2008 probatae

sunt. Acta dein collecta examini et iudicio Medicorum Collegii Dicasterii

subiecta sunt, quod in Sessione diei 10 mensis Februarii anno 2011 una voce

ac sententia sanationem rapidam, completam, duraturam et inexplicabilem

secundum hodiernam scientiam medicam fuisse affirmavit. Die 7 mensis Iunii

anno 2011, Congressus Peculiaris Consultorum Theologorum prospero cum

exitu factus est ac die 13 mensis Decembris anno 2011 Sessio Ordinaria

Patrum Cardinalium et Episcoporum, Ponente Causae Eminentı́ssimo ac

Reverendissimo Domino Conrado Cardinale Koch, et in utroque coetu sive

Consultorum sive Cardinalium et Episcoporum, posito dubio an de miraculo

divinitus patrato constaret, responsum affirmativum prolatum est.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua,

vota Congregationis de Causis Sanctorum excipiens rataque habens, hodierno