Acta Apostolicae Sedis - Commentarium Officiale698

II

Venerabili Servae Dei Clarae Badano Beatorum honores decernuntur.

BENEDICTUS PP. XVI

Ad perpetuam rei memoriam. - « Iesu, ego quoque desidero quod tu

desideras! ».

Haec verba, quae Clara Badano arduis acerbisque momentis vitae suae

repetere consueverat, eius intimam amoris cum Domino Iesu revelant neces-

situdinem.

Ipsa quidem nata est die XXIX mensis Octobris anno MCMLXXI in oppido

Sassello, dioecesis Aquensis. Parentes undecim per annos exspectabant eam.

Idcirco nativitas eius excepta est tamquam gratia specialis Beatissimae

Virginis Mariae, quam pater eius in « Santuario delle Rocche » ferventer

invocabat.

Multo amore circumdata crevit, sana, naturam amans et ludos; a pueritia

dilectione erga Iesum eiusque Matrem eminuit. Singulari caritate prose-

cuta est « ultimos », quibus parva offerebat ministeria, otii tempus saepe

recusans. Die primae communionis dono accepit Evangeliorum librum, qui

«magnificus liber » exstitit illi. Asserebat enim: «Quemadmodum alphabetum

faciliter discere possum, ita quoque Evangelium necessario vivere potero! ».

Novem annos nata nomen dedit Motui quem dicunt Focularinum, a Clara

Lubich fundato tamquam GEN (Generatio Nova), suos quoque parentes

attrahens. Deinde tota vita eius fuit veluti ascensus: conata est «Deum om-

nibus semper praeponere » eique « semper annuere ». Dilexit studium illudque

tamquam « obligationem » percepit, quam laeto serenoque animo est exsecu-

ta, dum felicem cum suis aequalibus se gerebat. Incohata prima classe lycei,

videri coepta est magis pallida et aliquantum defatigata, sed hanc condicio-

nem praetermisit. Septemdecim annos nata, plena gaudebat vitalitate.

Exeunte aestate, dum teniludio recreabatur, dolor lancinans in umero

sinistro coegit eam ad reticulum de manu relinquendum. Ex tomographia

quae dicitur TAC, in valetudinario S. Coronae in loco Pietra Ligure facta,

detectum est gravius osteosarcoma cum metastasi diffusa. Die VII mensis

Februarii anno MCMLXXXIX ingressa est valetudinarium Taurinense «Moli-

nette » nuncupatum, ubi die XXVIII eiusdem mensis effecta est prima sectio

chirurgica. Ipsa expergefacta est haec referens verba: « Iesu, ego quoque