Acta Benedicti Pp. XVI 697

Ianuarii anno MMIX evulgaret atque statuimus ut beatificationis ritus

Vallisoleti die XVIII mensis Aprilis anno MMX celebraretur.

Hodie igitur de mandato Nostro Venerabilis Frater Angelus Amato,

Congregationis de Causis Sanctorum Praefectus, textum Litterarum Aposto-

licarum legit, quibus Nos in Beatorum numerum Venerabilem Dei Servum

Bernardum Franciscum de Hoyos adscribimus:

Nos, vota Fratris Nostri Richardi Blázquez Pérez, Archiepiscopi Valliso-

letani, necnon plurimorum aliorum Fratrum in Episcopatu multorumque

christifidelium explentes, de Congregationis de Causis Sanctorum consulto,

auctoritate Nostra Apostolica facultatem facimus ut Venerabilis Servus Dei

Bernardus Franciscus de Hoyos, religiosus, sodalis Societatis Iesu, humilis

Christi amoris testis ardensque devotionis in Sacrum Cor Iesu apostolus,

Beati nomine in posterum appelletur, eiusque festum die undetricesima No-

vembris, qua in caelum est natus, in locis et modis iure statutis quotannis

celebrari possit. In nomine Patris et Filii et Spiritus Sancti.

Haec vero quae statuimus firma usquequaque esse volumus ac valida fore

iubemus, contrariis quibuslibet rebus minime obstantibus.

Datum Romae, apud Sanctum Petrum, sub anulo Piscatoris, die XVIII

mensis Aprilis, anno MMX, Pontificatus Nostri quinto.

De mandato Summi Pontificis

Tharsicius card. Bertone

Secretarius Status

Loco e Plumbi

In Secret. Status tab., n. 116.203