Acta Apostolicae Sedis - Commentarium Officiale696

frui debebat, sed Deus ab eo postulabat ut instrumentum fieret Cordis Christi

divitias cum ceteris communicandi. Spiritali eius moderatori P. Ioanni de

Loyola officium est commissum opus scribendi de essentia ac soliditate huius

pietatis. Lineamenta et sensus huius libri, qui « Tesoro Escondido », id est

Thesaurus Absconditus, inscribitur, die XXI mensis Octobris anno MDCCXXXIV

editus, pertinebant ad Venerabilem Dei Servum Bernardum de Hoyos.

Apostolatum agere solebat schidulas scriptaque diffundens, Sodalitates et

Consociationes ad Sacri Cordis honorem condens, hoc argumentum ut

tractaretur efficiens ac tandem ab Episcopis et Philippo V rege petens

ut peculiaris diei festi condendi petitionem apud Sanctam Sedem sustinerent.

Die II mensis Ianuarii anno MDCCXXXV sacro ordine Vallisoleti est auctus

atque die VI mensis Ianuarii primo apud Collegium sancti Ignatii sacro

litavit. Paucis post mensibus Tertiam Probationem incipiebat, quam ad

finem adducere non potuit, quandoquidem typho correptus die XXIX mensis

Novembris anno MDCCXXXV obiit.

Sanctitatis fama et populi pietas eius post obitum exstiterunt, sed propter

Hispaniae Societatis Iesu incommodas condiciones illius temporis atque

contentionem adversus Sacri Iesu Cordis devotionem Ianseniani generis,

beatificationis Causa non est admota atque deinceps Ordine abolito omnia

sunt silentio obruta. Cum sanctitatis fama produceretur, Vallisoletanus

Episcopus annis MDCCCXCV-MDCCCXCIX Processum Ordinarium incohavit.

Processus Apostolicus ab anno MCMXV ad annum MCMXIX actus est. Historici

Consultores primum die XXXI mensis Martii anno MCMLXI, Consultores

Theologi post in Congressione Peculiari die XXVII mensis Iunii anno MCMXCV

necnon Episcopi in Sessione Ordinaria die XII mensis Decembris subsequentis

de virtutibus heroum in modum exercitis sunt suffragati, ita ut Decessor

Noster Venerabilis Dei Servus Ioannes Paulus II facultatem fecerit ut Con-

gregatio de Causis Sanctorum die XII mensis Ianuarii anno MCMXCVI hac de re

Decretum ederet. Omnibus iure statutis perfectis rebus, sanatio vestigata est

dominae Mercedes Cabezaz Terrero, quae inexplicabilis scientifice a medicis

Consultoribus die XV mensis Novembris anno MMVII est iudicata. Consultores

Theologi in Congressione Peculiari die VII mensis Iulii anno MMVIII atque

Patres Cardinales Episcopique in Sessione Ordinaria die XVIII subsequentis

mensis Novembris faventem sententiam de sanatione Venerabili Dei Servo

Bernardo Francisco de Hoyos adscripta edixerunt. Ideo Nos Ipsi facultatem

fecimus ut Congregatio de Causis Sanctorum Decretum die XVII mensis