actione die 8 mensis Septembris anno 1944 propter explorationem iterum

capite damnatus est. Die 13 mensis Novembris anno 1944 in carcere «Roter

Ochse » Hallensi supplicium obtruncatione capitis crudeliter sumptum est.

Hanc ob martyrii famam apud Curiam Episcopalem Campitemplensem a

die 1 mensis Octobris anno 1998 ad diem 18 mensis Novembris anno 2003

Inquisitio beatificationis seu declarationis martyrii facta est, cuius auctoritas

et vis iuridica a Congregatione de Causis Sanctorum Decreto diei 15 mensis

Martii anno 2008 probatae sunt. Positione confecta, iuxta suetum morem, die

5 mensis Martii anno 2010, in Congressu Peculiari Consultorum Theologorum

prospero cum exitu disceptatum est an Servi Dei mors verum martyrium

fuisse. Patres Cardinales et Episcopi in Sessione Ordinaria diei 21 mensis

Iunii anno 2011 habita, audita relatione Eminentissimi ac Reverendissimi

Domini Pauli Iosephi Cardinalis Cordes, Causae Ponentis, agnoverunt

Servum Dei Carolum Lampert in odium fidei ob fidelitatem erga Christum

ab ipso confessam martyrium passum esse.

De hisce omnibus rebus, referente infrascripto Cardinali Praefecto, certior

factus, Summus Pontifex Benedictus XVI, vota Congregationis de Causis

Sanctorum excipiens rataque habens, hodierno die declaravit: Constare de

martyrio eiusque causa Servi Dei Caroli Lampert, Sacerdotis dioecesani et

Pro-Vicarii Administrationis Apostolicae Oenipontanae - Campitemplensis, in

casu et ad effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 27 mensis Iunii A.D. 2011.

Angelus Card. Amato, S.D.B.

Praefectus

L. e S.

e Marcellus Bartolucci Archiep. tit. Mevaniensis, a Secretis

Acta Apostolicae Sedis - Commentarium Officiale724