Acta Apostolicae Sedis - Commentarium Officiale738

rias Clarissas de re certiores fecit, ut in easdem se sociarent supplicationes ad

Matrem Fundatricem effundendas. Parentes quoque infantis, necessarii et

amici iisdem interfuerunt precibus. Status aegrotuli sequentibus diebus ita

ad desperationem adduci videbatur, ut medici edicerent spem vitae exiguam

esse et infantem gravibus pathologiis neurologicis obnoxium fore si a veterno

expergisceretur.

Die 23 mensis Iunii Missionariae Clarissae, quae ipso illo die quinqua-

gesimam recolebant anniversariam memoriam a condita Congregatione, de

hortatu Moderatricis Generalis, Dominum deprecatae sunt in eucharistica

celebratione ut, per Matris Agnetis intercessionem, Franciscum Xaverium

sanaret. Imago photographica et particula reliquiarum Venerabilis Servae

Dei ad pulvinar infirmi sunt appositae. Sequenti die infans, stupentibus

sive medicis sive familiaribus ibi adstantibus, convalescere coepit, stimulis

respondere, membra movere et absque auxilio respirare. Ex subsequentibus

clinicis et neurologicis inquisitionibus detectum est infantem plenam

obtinuisse sanationem et ab omni defectu physico vel neurologico ereptum

esse. Adversus omnem praevisionem, infirmitas nullam reliquit notabilem

sequelam.

Temporis congruentia evidens exstitit inter supplicationes ad Venerabi-

lem Servam Dei et sanationem Francisci Xaverii Carrillo Guzmán, qui in

praesens bona fruitur valetudine et facultate vitam necessitudinis ad

normam gerendi.

De hac sanatione, tamquam mira iudicata, apud Curiam Archidioecesa-

nam Guadalaiarensem a die 26 mensis Octobris ad diem 4 mensis Novembris

anno 2002 instructa est Inquisitio dioecesana, cuius validitatem approbavit

haec Congregatio per Decretum die 28 mensis Novembris anno 2003 editum.

Medicorum Dicasterii Consilium in Sessione diei 27 mensis Maii anno 2010

agnovit sanationem celerem, perfectam, constantem et sub lumine hodiernae

scientiae medicae inexplicabilem fuisse. Die 15 mensis Ianuarii anno 2011

actus est Congressus Peculiaris Consultorum Theologorum et die 21 mensis

Iunii eiusdem anni Patres Cardinales et Episcopi in Ordinaria Sessione se

congregarunt, Ponente Causae Exc.mo D.no Xaverio Echevarrı́a Rodrı́guez,

Episcopo tit. Cilibiensi. Et in utroque Coetu, sive Consultorum sive Cardina-

lium et Episcoporum, posito dubio an de miraculo divinitus patrato consta-

ret, responsum affirmativum prolatum est.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua,