Congregatio de Causis Sanctorum 735

rapta omnes, ut voluntatem Dei admodum adimplerent, integrae suipsius

oblationis consilio vivere posse. Hanc novam Archiepiscopus Cracoviensis

approbavit fundationem, cuius canonicam vero adnuit erectionem.

Officia Superiorissae Sophia exercens, necnon magistrae et moderatricis,

concivium summam adepta est aestimationis dignitatem. Nam, mulier fuit in

universis puellarum necessitatibus omnino prompta, quarum, profunda de-

votione erga Eucharistiam et Beatam Mariam Virginem suffulta, indefesse ac

pertinaciter agebat curam. Indolem eius prudentia, fortitudine humilitateque

informatam intimus sensus fidei corroborabat, quo intellectus Dei in operibus

creatis, in varietatibus mundi et in ipsius vita immanentis semper vividius in

ea vigebat. Numquam coram angustiarum certaminibus se abiecit, sed mise-

ricordi divinae Providentiae amplexui laetanter indulsit. Deum praeter

omnia maxime dilexit, cuius caritatem erga fratres verbis operibusque

effecit. His, quae praedicavit ac confessa est, mandatis virtutibusque rationes

institutionis constanter subiecit.

Mater Sophia die 1 mensis Aprilis anno 1650 Cracoviae pie in Domino

quievit, persuasissimum multis corde habentibus se aliquam comperisse

Sanctam, quae virtutes exercuit in constanti et confidenti suipsius in manus

Divinae Providentiae oblatione.

Ob eius sanctitatis famam Causa Beatificationis et Canonizationis apud

Curiam Archiepiscopalem Cracoviensem inita est per celebrationem Inquisi-

tionis dioecesanae a die 1 mensis Aprilis anno 1995 ad diem 20 mensis No-

vembris anno 1997, cuius auctoritas et vis iuridica a Congregatione de Causis

Sanctorum die 30 mensis Martii anno 1998 probatae sunt. Positione confecta,

die 14 mensis Martii anno 2006, in Sessione Consultorum Historicorum,

exhibito a Postulatione die 18 mensis Maii eiusdem anni efflagitato supple-

mento rationis, et, die 11 mensis Martii anno 2011, in Congressu Peculiari

Consultorum Theologorum prospero cum exitu disceptatum est, iuxta

consuetudinem, an Serva Dei more heroum virtutes christianas exercuisset.

Patres Cardinales et Episcopi in Sessione Ordinaria diei 7 mensis Iunii anno

2011, audita relatione Em.mi ac Rev.mi D. Stanislai Cardinalis Ryłko,

Causae Ponentis, professi sunt Servam Dei virtutes theologales, cardinales

iisque adnexas in modum heroum exercuisse.

Facta demum de hisce omnibus rebus Summo Pontifici Benedicto XVI

per infrascriptum Cardinalem Praefectum accurata relatione, Sanctitas

Sua vota Congregationis de Causis Sanctorum excipiens rataque habens,