Congregatio de Causis Sanctorum 731

ROMANA

Beatificationis et Canonizationis Servae Dei Aloisiae Tincani, Fundatricis Unionis

a S. Catharina Senensi Missionariarum a Schola (1889-1976)

DECRETUM SUPER VIRTUTIBUS

« Sicut misit me Pater, et ego mitto vos » (Io 20, 21).

« Pauperes evangelizantur » (Mt 11, 5).

His verbis Serva Dei Aloisia Tincani animadvertit se praecipue vocari ad

proximi inopiae compatiendum et ad pauperrimos inter pauperes veritate et

amore evangelizandos.

Theatino in oppido nata die 25 Martii anno 1889, minima quinque

filiorum, Serva Dei a matre ad profundam pietatem instituta est et a

patre, vero magistro et curatore studiorum, amorem erga scholam et

diligentiam in officiis perficiendis didicit. Crebro locum una cum familia

mutavit, commorans primum Cunei, postea Bononiae, Messanae, Romae,

patris officii causa. Quapropter homines et facta intelligere didicit

discretionemque iudicii acquisivit necnon sollicitudinem erga proximum a

Deo dilectum, itaque Divina Providentia eam ad munus proprium paravit.

Primis saeculi vigesimi annis, Bononiae Dominicanae familiae loca fre-

quentavit et professa est se omnino concordem esse cum doctrina spiritus

Sancti Dominici et Sanctae Catharinae Senensis. Illo tempore Serva Dei

religiosam vocationem percepit. « Cum primum intellexi quis sit Deus, nihil

aliud facere potui quam ut me ipsam totaliter Ei offerrem », sicut saepe

eadem postea dictitabat. Orationi et studio diligenter vacavit. Romae Uni-

versitatem frequentavit, Mediolani autem in Universitate Catholica philoso-

phiae doctor renuntiata est. Pedagogiam et philosophiam ad mentem Sancti

Thomae Aquinatis diligentissime docuit. In cursu vitae et meditationis suae,

scholam et cultores sapientiae semper habuit ut locum praecipuum Christiani

ministerii et muneris, in quo datur intellectuali caritate respondere ad veritatis

inquisitionem, quae plus minusve scienter iuvenes urget. Cum inter vitam

contemplationis et vitam apostolatus ambigebat, solutionem invenit in illo

antiquo principio Dominicanae doctrinae, scilicet contemplata aliis tradere.

Patris Ludovici Fanfani sapientissimo consilio et moderatione, orationem

fundavit super agnitionem sui in conspectu Trinitatis, in familiaritatem