Acta Apostolicae Sedis - Commentarium Officiale734

CRACOVIENSIS

Beatificationis et Canonizationis Servae Dei Sophiae Maciejowska-Czeska,

Fundatricis Congregationis Virginum a Praesentatione Beatae Mariae Virginis

(1584-1650)

DECRETUM SUPER VIRTUTIBUS

« Spes autem non confundit, quia caritas Dei diffusa est in cordibus nostris

per Spiritum Sanctum, qui datus est nobis. [...] Commendat autem suam

caritatem Deus in nos, quoniam, cum adhuc peccatores essemus, Christus

pro nobis mortuus est » (Rom 5, 5. 8).

Praeconii alacritas beati Pauli apostoli vitam et spiritualitatem Servae

Dei Sophiae Maciejowska-Czeska summopere enarrat, quae enim Dei et

proximi caritatem universae suae conversationis in mundo habuit fontem

et culmen, necnon Passionem Christi atque exemplum Virginis Mariae soli-

dum firmamentum.

Serva Dei anno 1584 in vico Resurrecto in Polonia nata est e nobillimi

ordinis familia christiana pietate penitus firmeque imbuta. Sub lare iam inde

a pueritia dignitati suae congruentem institutionem recepit et, anno 1600,

dum decimum septimum aetatis agebat annum, nobilis viri Ioannis Czeski

uxorem ducta est. Anno 1602, iuvenis Sophia in Archiconfraternitate a

Misericordia in ecclesia Cracoviae Deo in honorem Sanctae Barbarae dicatae

accepta est et, Patribus e Societate Iesu in rebus spiritualibus moderantibus,

in fide ac pietate mirabiliter processit.

Anno 1607, viro praemature orbata, etsi iuvenis aetate doteque dives,

in novas nuptias nullomodo concedere decrevit, ut totam potius vitam ope-

ribus caritatis ac misericordiae, praesertim pro orphanarum pauperumque

puellarum bono, consecraret. His in benignis erga derelictos navitatibus,

quae volventibus annis percrebruerunt, Sophia sese quasi divino afflatu

animadvertit ductam. Omnia, igitur, bona et divitias renuntiavit, ut inter

annos 1621 et 1627 Institutum sub titulo Domus Virginum a Praesentatione

Beatissimae Mariae Virginis suscitaret pro iuvenibus puellis egentissimis

hospitio excipiendis et christiana doctrina instituendis. Huic caritatis operi

mysterii Praesentationis Beatae Mariae Virginis selegit exemplum, spe