Congregatio de Causis Sanctorum 739

vota Congregationis de Causis Sanctorum excipiens rataque habens, hodierno

die declaravit: Constare de miraculo a Deo patrato per intercessionem Venera-

bilis Servae Dei Mariae Agnetis Teresiae a Sanctissimo Sacramento (in saec.:

Emmanuelae a Iesu Arias Espinosa), Fundatricis Congregationum Missiona-

riarum Clarissarum a SS.mo Sacramento et Missionariorum a Christo pro Uni-

versa Ecclesia, videlicet de celeri, perfecta ac constanti sanatione pueri Francisci

Xaverii Carrillo Guzmán, a « grave sindrome asfittica da pre-annegamento in

acqua dolce e successivo arresto cardiorespiratorio con danno cerebrale e insuffi-

cienza multi-organo ».

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 27 mensis Iunii A.D. 2011.

Angelus Card. Amato, S.D.B.

Praefectus

L. e S.

e Marcellus Bartolucci Archiep. tit. Mevaniensis, a Secretis

ANTANANARIVENSIS

Canonizationis Beati Iacobi Berthieu, Sacerdotis Professi Societatis Iesu Martyris

(1838-1896)

DECRETUM SUPER MIRACULO

Beatus Iacobus Berthieu die 27 mensis Novembris anno 1838 in loco

vulgo Polminhac, in Francogallia, e quadam agricolarum familia, est natus.

Expletis curriculis apud Fratres Scholarum Christianarum, die 21 mensis

Maii anno 1863 presbyter est ordinatus. Sequi decernens vocationem reli-

giosam et missionariam, ad quam vocatum se sentiebat, Societatem Iesu

est ingressus. Anno 1875 veluti missionarius in Madagascariam est missus,

in insulam Sanctae Mariae, ubi sex permansit annos, minime suis viribus

parcens in catechesi tradenda, in sacramentis administrandis, in aegrotis