CAPUT XII.

Parabolam narrat de vinea agricolis elocata, qui servos ac filium patrisfamilias occiderunt : tentatur a Pharisoeis de censu Coesari solvendo : et a Sadducaeis de resurrectione : interrogatur a scriba de primo mandato : ipse vero rogat quo modo scriboe dicant Christum filium esse David, docens ab ipsis cavendum : viduam laudat ob duo minuta in gazophylacium missa.

I. Et coepit illis in parabolis loqui : Vineam pastinavit homo , et circumdedit sepem, et fodit lacum, et aedificavit turrim, et locavit eam agricolis, et peregre profectus est.

2. Et misit ad agricolas in tempore servum, ut ab agricolis acciperet de fructu vineae.

3. Qui apprehensum eum ceciderunt, et dimiserunt vacuum.

4. Et iterum misit ad illos alium servum, et illum in capite vulneraverunt, et contumeliis affecerunt.

5. Et rursum alium misit, et illum occiderunt : et plures alios, quosdam caedentes, alios vero occidentes.

6. Adhuc ergo unum habens filium carissimum, et illum misit ad eos novissimum, dicens : Quia reverebuntur filium meum.

7. Coloni autem dixerunt ad invicem : Hic est haeres : venite, occidamus eum, et nostra erit haereditas.

8. Et apprehendentes eum, occiderunt, et ejeoerunt extra vineam.

9. Quid ergo faciet Dominus vineae?

Veniet, et perdet colonos, et dabit vineam aliis.

10. Nec Scripturam hanc legistis : Lapidem quem reprobaverunt aedificantes, hic factus est in caput anguli 2 :

11. A Domino factum est istud, et est mirabile in oculisnostris ?

12. Et quaerebant eum tenere, et timuerunt turbam : cognoverunt enim quoniam ad eos parabolam hanc dixerit. Et relicto eo abierunt.

i3. Et mittunt ad eum quosdam ex Pharisaeis et Herodianis, ut eum caperent in verbo .

14. Qui venientes dicunt ei : Magister, scimus quia verax es et non curas quemquam : nec enim vides in faciem hominum, sed in veritate viam Dei doces. Licet dari tributum Caesari,an non dabimus?

15. Qui sciens versutiam illorum, ait illis : Quid me tentatis ? afferte mihi denarium ut videam.

16. At illi attulerunt ei. Et ait illis : Cujus est imago haec et inscriptio? Dicunt ei : Caesaris.

17. Respondens autem Jesus dixit il- lis : Reddite igitur quae sunt Caesaris Caesari, et quae sunt Dei Deo . Et mirabantur super eo.

18. Et venerunt ad eum Sadducaei , qui dicunt resurrectionem non esse, et interrogabant eum, dicentes :

19. Magister, Moyses nobis scripsit ut si cujus frater mortuus fuerit, et dimiserit uxorem, et filios non reliquerit,. accipiat frater ejus uxorem ipsius, et resuscitet semen fratri suo .

20. Septem ergo fratres erant : et primus accepit uxorem, et mortuus est non relicto semine.

21. Et secundus accepit eam, et mortuus est : et nec iste reliquit se- meo. Et tertius similiter.

22. Et acceperunt eam similiter septem, et non reliquerunt semen. Novissima omnium defuncta est et mulier.

23. In resurrectione ergo cum resurrexerint, cujus de his erit uxor? septem enim habuerunt eam uxorem

24, Et respondens Jesus, ait illis : Nonne ideo erratis, non scientes Scripturas neque virtutem Dei?

25. Cum enim a mortuis resurrexerint, neque nubent, neque nubentur, sed sunt sicut angeli in coelis.

26. De mortuis autem quod resurgant, non legistis in libro Moysi, super rubum, quomodo dixerit illi Deris, Inquiens : Ego sum Deus Abraham, et Deus Isaac, et Deus Jacob ?

27. Non est Deus mortuorum, sed vivorum. Vos ergo multum erratis.

28. Et accessit unus de Scribis qui audierat illos conquirentes , et videns quoniam bene Illis responderit,interrogavit eum quod esset primum omnium mandatum.

29. Jesus autem respondit ei : Quia primum omnium mandatum est : Audi, Israel : Dominus Deus tuus Deus unus est :

3o. Et diliges Dominum Deum tuum ex toto corde tuo, et ex tota anima tua, et ex tota mente tua, et ex tota virtute tua. Hoc est primum mandatum.

3 1. Secundum autem simile est illi : Diliges proximum tuum tamquam teipsum . Majus horum aliud mandatum non est.

32. Et ait illi Scriba : Bene, magister, in veritate dixisti quia unus est Deus, et non est alius praeter eum :

33. Et ut diligatur ex toto corde, et ex toto Intellectu, et ex tota anima, et ex tota fortitudine : et diligere proximum tamquam seipsum majus est ornolbus holocautomatibus et sacrificiis.

34. Jesus autem videns quod sapienter respondisset, dixit Illi : Non es longe a regno Dei. Et nemo jam audebat eum interrogare.

35. Et respondens Jesus dicebat, docens In templo : Quomodo dicunt Scribae Christum filium esse David ?

36. Ipse enim David dicit in Spiritu sancto : Dixit Dominus Domino meo : Sede a dextris meis, donec ponam inimicos tuos scabellum pedum tuorum .

37. Ipse ergo David dicit eum Domi- num, et unde est filius ejus? Et multa turba eum libenter audivit.

38. Et dicebat eis in doctrina sua : Cavete a Scribis, qui volunt in stolis ambulare, et salutari in foro ,''

39. Et in primis cathedris sedere in synagogis, et primos discubitus

40. Qui devorant domos viduarum sub obtentu prolixae orationis : hi accipient prolixius judicium.

41. Et sedens Jesus contra gazophylacium , adspiciebat quomodo turba jactaret aes in gazophylacium ; et multi divites iactabant multa.

42. Cum venisset autem vidua una pauper, misit duo minuta, quod est quadrans.

43. Et convocans discipulos suos, ait illis : Amen dico vobis, quoniam vidua haec pauper plus omnibus misit qui miserunt in gazophylacium.

44. Omnes enim ex eo quod abundabat illis miserunt : haec vero de penuria sua omnia quae habuit misit, totum victum suum.