Congregatio de Causis Sanctorum 1087

Hoc in Sanctuario Beatae Mariae Virgini dicato plura Servus Dei Huber-

tus apostolica provexit incepta: anno 1969, missionalia proposita commentus

est ac sustinuit sive vicum vulgo dictum Villaggio Ghirlandina in Republica

Africae Mediae perficiens sive cum missionariis sollicite cooperans; anno

1970, Horam Vigiliae iniit et Vias Paenitentiae decima tertia quaque die

a mense Maii usque ad mensem Octobris explendas iuxta Beatae Mariae

Virginis Fatimae apparitiones; exeunte anno 1973, fraternitate Tertii Or-

dinis Sancti Francisci Mutinensis adiuvante, Domum Dominae Nostrae a

Salute pro senibus fovit; anno 1974, Festum de Pueris Dominae Nostrae

curae commissis instituit, quod ad Sanctuarium copiam matrum devocavit

diuturnitate excrescens; anno 1980, popularem televisionem, cui nomen

Antenna Uno, confecit, quae inceptum fuit perdifficile ac pretiosum, spiri-

tus eius autem missionarii fructus, auxilium factum efficax ad Evangelium

Christi nuntiandum ac vocem Ecclesiae loci pervulgandam, apud quam ipse

meditationes habuit et orationes ad Mariam Sanctissimam pronuntiavit;

anno 1986, Mutinae Consociationem Voluntariorum Hospitalarium suscitavit

et, anno 1988, institutores sustinuit Consociationis Beatae Mariae Virginis

Angelorum in vico Castro Francorum Aemiliae pro iuvenibus membrorum

intellectuumque defectibus imminutis.

Servus Dei navitatem mancipis suam mandatis Christi semper innisus

est. Evangelii praeceptorum sectator, enim, acta caritatis tacitus quoque et

ignotus per manus sacerdotum gessit. Summa observantia temporum ope-

rarios salario rependit atque vectigalia oneraque industriis eius coniuncta

absolvit omnia. De competitorum angustiis insuper numquam praedatus est,

sed ad eorum debita immo remittenda et credita concedenda accessit, ut

quamvis eorum devitaret cladem. Sancti Francisci assecla fidelis, muneri-

bus suis, nihilo boni umquam familiae adempto, in parcissima semper vixit

simplicitate, reditus pecuniae operum suarum in operas destinans caritatis,

quarum permultae, anonyme ab eodem susceptae, tantum Deus comperit.

Die 7 mensis Aprilis anno 1987, Servus Dei cordis infarto correptus,

protinus petiit, ut Unctio Infirmorum ei ministraretur. Ex incommodo illo

refectus, omnes veteres navitates ei fuerunt reducendae, sed novo cordis

vulnere percussus die 6 mensis Septembris anno 1989 apud Valetudinarium

Pavense gravem post chirurgicam cordis sectionem in Domino occubuit.

Exsequiis eius magna interfuit turba summae existimationis et affectus

testimonium praebens, quem ipse in vita sibi comparaverat. Exuviae in