Congregatio de Causis Sanctorum 1083

dio atque heroica benignitate operam dans, aerumnarum, aestus, siccitatis,

inopiae immemor, crebrarum pestilentiarum detrimenta, quae victimarum

milia demetebant, animose suscipiens.

Die 10 mensis Octobris anno 1881, palustribus febribus consumptus,

Daniel Comboni mortuus est. Dolore atque universa consternatione ne-

glectis, Serva Dei non succubuit; alia pericula attamen Mariam Iosepham

ac eius Sorores manebant, quae annis 1882-1898, cruenta seditione coor-

ta, Nubianam missionem relinquere necnon in Aegyptum prope Heliopolim

perfugere coactae sunt.

Ibi, una cum reliquis fratribus Combonianis operam dans, Serva Dei

operis, curis, muneribusque suis ad servorum liberationem, aegrorum sa-

nationem, orphanorum educationem perseveranter se contulit. Deinde onus

muliebris domus, quae morette nuncupatur, suscepit apud coloniam Nubiano-

rum exsulum ad Gezyram prope Heliopolim, ubi pro ampliore educatione ac

emancipatione puellarum e vita animo corporeque corrupta eripiendarum,

alacriter operam dedit.

Anno 1892 Praeposita provinciae Aegypti facta est, quo munere post

quartum annum, etiam ob falsas criminationes calumniasque, abdicavit. Cum

ad Syenem, in superiore regione Aegypti, Praeposita communitatis delata

esset, pauperibus praeter modum accipiendis auscultandis atque adiuvan-

dis in dispensario missionis praestitit. Die 8 mensis Decembris a.D. 1898,

Constitutionum laudatione effecta, Serva Dei apud Syenem professionem

perpetuam emisit.

Amabilis ac praestans indoles Servae Dei cum profunda spiritualitate

se mirabiliter coniunxit necnon amore caritateque perfusam atque secum

trahentem vitae rationem creavit. Opera humanitatis suae ex plana expe-

rientia fidei originem trahebat, maxima cum simplicitate iam in familiari

ambitu a pueritia parta atque personalis occursus cum Christo magis ma-

gisque facta, Verbo Dei, precibus atque eucharistica communicatione alita.

In Piarum Matrum Nigritiae charismate Serva Dei humum large fecundam

consentaneamque spirituali proposito suo invenerat, quod essentialitate

integritate ac facilitate erga materiales spiritualesque populi necessitates

perficiendum erat. Evangelicum nuntium omni tempore adferre, assidua

acceptione fraterna, haud dubia caritate, incommensurabili benignitate con-

firmatum, numquam neglexit. Indefessa pauperum aegrotorumque serva,