1082 Acta Apostolicae Sedis - Commentarium Officiale

CONGREGATIO DE CAUSIS SANCTORUM

VERONENSIS

Beatificationis et Canonizationis Servae Dei Mariae Iosephae Scandola Sororis Professae Sororum Missionariarum Piarum Matrum Nigritiae (1849-1903)

DECRETUM SUPER VIRTUTIBUS

« Audite verbum Domini, gentes, et annuntiate insulis quae procul sunt »

( Ier 31, 10).

Antiqui prophetae nuntium in vita Servae Dei Mariae Iosephae Scandola

resonat, quae, humilis ac extraordinaria imago mulieris et religiosae, in

perdifficilibus conditionibus valde inopum mundi suburbiorum aetatis suae,

christianam fidem animose testata est.

Serva Dei in vico v. d. Bosco Chiesanuova, in regione Veronensi, die

26 mensis Ianuarii anno 1849 nata est. Vixit in domo valde demissa atque

in fide christiana educata est a familia sua, humillimae originis. Septimum

annum agens patrem amisit. Marietta, sicut ab omnibus nuncupabatur, ele-

menta tantum humanae doctrinae discere potuit, ad agriculturam omnino

operam dans.

Cum adulescens apud Avesam, in regione Veronensi, domesticas curas

praestabat, impetum pravi iuvenis vitavit se ipsam in fluvium proiciens,

at graviter aegrotare coepit; nihilominus in pristinam rectamque rationem

suae vitae se recipere valuit. Mense Maio anno 1871, Dei voluntate Sanc-

tum Danielem Comboni occurrit, qui in ea germen religiosae vocationis

intellexit eique ardentem desiderium animi sui credidit, id est « Africani per

Africam regenerare » proptereaque ad Africanorum terram evangelizandam

Institutum fundare Sororum, quae Piae Matres Nigritiae appellatae sunt.

Marietta, Comboniana magnanimitate capta, anno 1872 nascenti Instituto

adhaesit necnon religiosam professionem anno 1877 emisit, nomen Mariam

Iosepham sibi imposuit, uno eodemque anno una cum primis Sororibus suis

Africam attigit.

Hac in regione vitam suam ad populum evangelizandum funditus conse-

cravit, praecipue in regione Nubia, quae Sudan hodie appellatur, alacri stu-