Quinquagena I.

1. Ave, virgo, lignum fructiferum,
Fructum gignens

nostrorum vulnerum
Medicamen, tu pacem temporum
Praesta atque

solamen prosperum.

2. Ave, caeli praeclara rosula,
Tu suavis ac sine macula,
Quae nos premunt,
dissolve vincula,
Cuncta quoque pelle pericula.

3. Ave, regis aeternae gloriae
Mater, nobis succurre hodie,
Adversantum namque insidiae
Contra nos insurgunt cotidie.

4. Ave, mater regis iustitiae,
Mater pacis et mater gratiae,
Nubem pellas nostrae tristitiae
Atque donum praesta laetitiae.

5. Ave, virgo digna honoribus,
Tuas pias nostris clamoribus
Pande aures nec non doloribus
Ac succurre cordis maeroribus.

6. Ave, mater nostris gemitibus
Subvenias atque ploratibus,
Condescende piis conatibus
Et coniunge choris caelestibus.

7. Ave, mater summe amabilis
Et columna fidei stabilis,
Vita premit nos miserabilis,
Fac, sit iudex

nobis placabilis,

8. Ave, pulchra et admirabilis,
Universis incomparabilis,
Nos tuere, mater amabilis,
Nam haec vita
est nimis labilis.

9. Ave, virgo, nostra protectio,
Assis nobis tuo praesidio,
Nam incumbit magna turbatio,
Quam depellat tua oratio.

10. Ave, mundi regina celebris,
Da post finem istius funebris
Vitae Dei nos nosci palpebris,
Ne tradamur inferni tenebris.

11. Ave, virgo stirpe clarissima
Genetrixque Dei dignissima,
Te exorat haec plebs miserrima,
Ut succurras in hora ultima.

12. Ave, mater summi consilii,
Nos timemus diem iudicii,
Namque male de nobis conscii,
Sed tu esto locus refugii.

13. Ave, virgo, turris Davidica,
Cuncta frangens dicta haeretica,
Aufer a me vitia lubrica
Atque praesta gaudia caelica.

14. Ave, virgo, quae in oraculis
Prophetarum fulsisti saeculis,
Nos supernis fac tabernaculis
Interesse ac vitae pabulis.

15. Ave, cuius filii passio
Nobis exstitit liberatio
Ab inferno et resurrectio
Nostra fuit iustificatio.

16. Ave, virgo celsi praesagii
Ac origo nostri fastigii,
Esto ductrix mei vestigii
Atque pultrix cordis fastidii.

17. Ave, virgo simplex et sapiens,
Universa legis custodiens,
Per te hostis fugetur saeviens,
Cum de mundo

decedam moriens.

18. Ave, virgo, salutis balsamus,
Quae es sponsi caelestis thalamus
Atque thronus eius dignissimus,
Mala aufer, devote petimus.

19. Ave, virgo, decus eximium,
Solis vincens splendore radium,
Audi preces te invocantium
Absque mora praebe auxilium.

20. Ave, mater regis magnifici,
Quem adorant conventus caelici,
Fac nos pie ab eo respici,
Qui gravamur malo multiplici.

21. Ave, virgo, quae tuo filio,
Cum penderet crucis patibulo,
Astitisti cum eius famulo,
Opem tuo largire servulo.

22. Ave, mater sanctorum iubilus,
Te honorat fidelis populus,
Tu sis, virgo, caecorum oculus,
Pes claudorum, virga et baculus.

23. Ave, caeli virtutum domina,
Cuius natus summa potentia
Debellavit daemonum agmina
Et nunc regnat in patris gloria.

24. Ave, thronus Dei dignissimus,
Inimicus nos vexat pessimus,
Et omnino quasi deficimus,
De te tamen semper confidimus.

25. Ave, virgo mirae dulcedinis,
Omnis expers amaritudinis,
Motus aufer a me libidinis,
Ne demergar antro formidinis.

26. Ave, virgo, norma credentium,
Consolatrix in te sperantium,
Ecce, instat

contra nos proelium,
Tuum ora pro nobis filium.

27. Ave, mater pacis et gratiac,
Quae es expers omnis nequitiae,
Nos molestant cordis tristitiae
Nobis confer donum laetitiae.

28. Ave, virgo, per quam ecclesia
Offert Domino sacrificia,
Quae in nostra sunt conscientia,
Mala tua purget clementia.

29. Ave, quae a supernis coetibus
Exaltaris sed et fidelibus,
Nostris, virgo, faveto precibus
Ac solare nos in gemitibus.

30. Ave, virgo, cuius humilitas
Reparavit nos ac fecunditas,
Per te nostra cesset infirmitas,
Relaxetur et omnis vanitas.

31. Ave, virgo, a qua protegimur
Nec non in spem

fortem erigimur,
Peccatorum spinis configimur,
Ad te tamen tristes convertimur.

32. Ave, chorda caelestis citharae,
Quae in rebus es sine compare,
Mentes tristes caelesti nectare
Debriare, illustra iubare.

33. Ave, virgo decora specie,
Deum mentis contemplans acie,
Consolare me tua facie
In extremis ac dono gratiae.

34. Ave, mater mundi artificis,
In aeternum

gaudens cum caelicis,
Nos ab hostis erue pedicis
Ac coniunge choris angelicis.

35. Ave, mater, origo gratiae,
Pietatis atque fiduciae,
Tu fons vivus emanans satie,
Medicamen da menti saueiae.

36. Ave, arcus divini foederis
Ac solamen humani generis,
Nunc, beata, succurre miseris,
Qui tormentis

torquentur asperis.

37. Ave, florens Aaron virgula
Omniumque virginum primula
Ac sanctorum regum filiola,
Nos expurga carnali macula.

88. Ave, mater summi solacii,
Caelo sedens in dextris filii,
Finem pone nostri opprobrii
Ac impone frenum silentii.

39. Ave, porta regis iustitiae
Atque mater misericordiae,
De lacu faecis et miseriae
Me misellum reforma gratiae.

40. Ave, salus totius saeculi,
Quam collaudant

omnes et singuli,
Tu virtute tua mirabili
Aegrum sana, succurre debili.

41. Ave, de qua rivus efferbuit,
Qui de Stygis sitis nos eruit,
Declinare fac nos, quae vetuit,
Et implere

legem, quam praebuit,

42. Ave, polorum tympanistria,
Deum laudans in caeli patria,
Cuncta mundi pelle contraria,
Contra hostes detur victoria.

43. Ave, virgo, regina gentium
Christo Domino adhaerentium,
Linguas comprime

obloquentium
Brachiumque nos odientium.

44. Ave, mater regis pulcherrimi,
Cuius legis ritus iustissimi,
Nos ad te clamamus miserrimi,
Qui timemus ab hoste deprimi.

45. Ave, vitae caelestis normula
Atque turis florescens virgula,
Regnum caeli pro nobis postula
Sisque nostra adiutrix sedula.

46. Ave, carens carnali formite,
Caelosscandens directotramite,
Nos infunde superno pneumate
Ac innecte caelorum seinitae.

47. Ave, Sion caelestis filia,
Dei cernens semper magnalia,
Nunc concorda nostra civilia
Et conforta corda flebilia.

48. Ave, virgo, dicta verbigena,
Quam collaudat omnis caeligena,
Te exoro pauper terrigena,
Ut pellatur hostis maligena.

49. Ave, characteris signaculum,
Itineris caeli vehiculum,
Esto pauperibus umbraculum
Atque nostrum aufer piaculum.

50. Ave, poli regina curiae
Atque mater misericordiae,
Pia nobis sis porta veniae
Ac solamen nostrae miseriae.