Quinquagena II.

51. Ave, virgo siderum

Stella primitiva,
Arbor pomis munerum

Ferax ut oliva,
Consolatrix pauperum,

Mater Iesu diva,
Salva me, quem scelerum

Temptant rediviva.

52. Ave, o vibrabile

Sidus, cor tristatum
Reddens consolabile,

Noxis depuratum,
Meum fac frenabile

Dei per mandatum,
Nunc abominabile

Bonisque nudatum.

58. Ave, cui merito

Libens et ovatim
Sympbonias recito

Atque seriatim,
Mihi quasi perdito

Subveni citatim
Et solvens a debito

Voca nominatim.

54. Ave, quae prophetica

Littera expresse
Scriberis deifia

Christi mater esse,
O spes mea unica,

Mei menti fessae
Propter bella hostica

Digneris adesse.

55. Ave, cuius cultui

Colligo laudamen,
Cuius opem habui
Per aeternum flamen,

Tribue conflictui
Meo sublevamen,

Quo quasi contabui
Belli ob gravamen.

56. Ave, iris temperans

Nobis iram Dei,
Mundo signum celebrans

Dans temperiei,
Peto pauper clamitans:

Miserere mei,
Nato sis concilians

Me peccantem ei.

57. Ave, campi caelici

Herbula formosa,
Medicans catholici

Gregis morbidosa,
Refice hymnidici

Tui ruinosa
Pelleque horrifici

Anguis venenosa.

58. Ave, cuius recito

Laetus insignimen
Sicque tuum flagito

Devotus lenimen,
Auferas ut subito

A me fastidimen
Et cum hoste perdito

Eiusdem molimen.
59. Ave, obumbraculum,

In quo vitae lignum
Crevit, omne frivolum

Pellens et malignum,
Sume pedis osculum

Ob amoris signum,
Quo, precor, in saeculum

Facias me dignum.

60. Ave, cuius merito

Iubilans laudamen,
Per quam homo subito

Recipit levamen,
Cordis mei, rogito,

Dissipa velamen,
Quod ob culpae merito

Perfero nodamen.

61. Ave, cui attentius

Carmen symhonizo,
Gemmis mihi carius

Auroque obrizo,
Mihi, precor, citius

Subveni eliso,
Ne tradar daemonibus,

Quando agonizo.

62. Ave, venerabilis

Stella matutina,
Pellitur a credulis

Qua culpae pruina,
Esto tuis famulis

Gratiae cortina,
Ne uramur faculis

In Stygis officina.

63. Ave, periergia

Nati pro honore
Zelans, adversantia

Pellens cum errore,
Nostra fac hilaria

Corda prae amore
Tuo, modo tristia

Hostis prae timore.

64. Ave, apis melleum

Gratiae liquorem
Faciens, qui felleum

Amputat putorem,
Infundens aethereum

Servis tuis rorem,
Qui exstinguunt carneum

In nobis ardorem.

65. Ave, cuius iubilans
Virtutum laudamen
Sum devotis intimans
Istud per effamen,

Esto meae sublevans
Culpae oneramen,

Ne me sit exterminans
Christi iudicamen.

66. Ave, quam magnifico

Hoc per meditamen,
Ave quando replico

Mentis per conamen,
Cordis mei supplico

Aufer nubilamen,
Cernam ut perpetuo

Patrem, natum, flamen.

67. Ave, mons laetitiae,

Mons coagulatus,
Gratiarum pluviae

Stillis impinguatus,
Agnus innocentiae

In te est. monstratus,
Qui paternae gloriae

Fuit immolatus.

68. Ave, quam acerrimi

Doloris gravamen
Pressit, cum dulcissimi

Nati cruciamen
Cerneres, ne pessimi

Hostis per temptamen
Me contingat deprimi,

Tuum des iuvamen.

69. Ave, quam credentium

Cantus decusatim
Laudat, cum, subsidium

Petunt alternatim,
Meum ad auxilium

Propera citatim,
Qui tuum praecomum

Recito affatim.

70. Ave, levatorium

Casus matris Evae,
Ducentis in scandalum

Nos culpae primaevae,
Vitae adiutorium

Meae fer grandevae,
Ne fiam opprobrium

Stygis genti saevae.

71. Ave, quam ecclesiae

Plebes congregatim
Laudant per laetitiae

Cantica globatim,
Tuae stillas gratiae

Funde vel guttatim,
Ut pondus inertiae

Meae pellant statim.

72. Ave, cui in saeculum

In caelorum thronis
Regnanti munusculum

Hoc devotionis
Porrigo, tu torculum

Meae devotionis
Reple, pellens frivolum

Malae actionis.

73. Ave, cui ecclesiae

Sanctae aggregamen
Iugiter laetitiae

Fert glorificamen,
Auferas tristitiae

Meae onustamen,
Dans divinae gratiae

Mihi gratulamen.

74. Ave, quae decentibus

Es praerogativis
Perornata dignius

A personis divis,
Meis genitoribus

Mortuis et vivis
Succurre celerius

Gratiarum rivis.

75. Ave, fons nectareum

Praebens iustis potum,
Qui in membris carneum

Frigeravit motum,
Mihi fac virgineum

Vultum tuum notam,
Circa vitae terminum

Visitans aegrotum.

76. Ave, cuius memoror
Animo gaudenti,
Unde tecum colloquor
In oda praesenti,

Obvia, te deprecor,
Hosti persequenti,

Qui iam est infestior
Populo credenti.

77. Ave, stirps o caelica,

Ferens angelorum
Panem, qui famelica

Corda devotorum
Reficit, me adplica

Coetui iustorum
Auferendo lubrica

Desideriorum.

78. Ave, mulieribus

Omnibus praelata
Et cunctis credentibus

In patronam data,
Esto paenitentibus

Nobis advocata,
Ut dilectus filius

Condonet peccata.

79. Ave, felix gemmula

Miro modo nitens,
Omni semper macula

Peccatorum carens,
Aaron tu virgula

Absque succo florens,
Gratiae amygdala

Christianis ferens.

80. Ave, fructuaria

Stirps praebens frumenti
Adipem cum gratia

Animae credenti,
Hac laudis materia

Tibi servienti
Assis a miseria

Mundi divertenti.

81. Ave, cuius opera

Et benignitate
Solvitur mens misera

Ab iniquitate,
Me pupillum libera

Ab adversitate
Deoque confoedera

Cum celebritate.

82. Ave, radix germinans

Nobis vitae lignum,
Peccatum exterminans

Omneque malignum,
Id per carmen elegans

Et amoris signum
Rogo, ne sis exsecrans

Me sicut praevignum.

83. Ave, arcus foederis,

Arcus aerinus,
Quem regnans in superis

Fecit rex divinus,
Me impugnat Veneris

Impetus equinus,
Pro quo tuis meritis

Detur turturinus.

84. Ave, fecundissima

Arbor ferens fructum,
Quem devota anima

Sumens ponit luctum
Reduc, o piissima,

Ab hoste seductum
Ad aeterna gaudia

Mihi dans conductum.

85. Ave, quam sinceriter

Menteque supina
Veneror ac dulciter,

O stella marina,
Amore celeriter

Deo me combina,
Laesum multipliciter

Scelerum sentina.

86. Ave, tabernaculum

Summae maiestatis,
Conferens latibulum

Corde tribulatis,
Porrige vel granulum

Tuae pietatis,
Me absolvens famulum

Tuum a peccatis.

87. Ave, honorabilis

Caelorum regina,

Cunctis carens maculis

Ac peccati spina,

Auditum christicolis
Clementer inclina,

Tentis pro piaculis
In Stygis officina.

88. Ave, herba caelica

Mirum odoramen.
Dans, quo mens maestifica

Sumit medicamen,
Da per ista cantica

Mihi sublevamen,
Qui per bella hostica

Patior gravamen.

89. Ave, flos, quem cupio,

Ave, flos amoris,
Flos sine contagio,

Flos miri odoris,
Apta me servitio

Tuo cunctis horis,
Omni purgans vitio

Intus atque foris.

90. Ave, firmum oppidum,

In quo habitavit
Christus, quando callidum

Hostem. superavit,
Devotis praesidium

In te praeparavit,
Cum venenum aspidum

Illos molestavit.

91. Ave, arbor nobilis,

Ut oliva ferax,
Quam Deus laudabilis

Plantavit et verax,
Da, ne Christo credulis

Obsit hostis pellax
Nec interminabilis

Flamma Stygis edax.

92. Ave, virgo, regia

Quam ornat origo,
Te nunquam contagia

Culpaeve fuligo
Foedarunt, vestigia

Tua fletu rigo
Et petens suffragia

Tua me adfligo.

93. Ave, in qua iugiter

Mente anatizo,
Unde tibi dulciter

Laudes organizo,
Subveni celeriter

Pro culpis deriso,
Ne tradar finaliter

De caelo eliso.

94. Ave, ineffabilis

Pastoris ovilia,
Cuius es et nobilis

Mater et ancilla,
Praesta tuis famulis

Venire ad illa
Regna, ubi stabilis

Pax est et tranquilla.
95. Ave, cuius fortius

Allicit pulcbredo,
Unde tuis manibus

Me totalem dedo,
Mea per te protinus

Pellatur pigredo,
Animi frequentius

Quam causat curvedo.

96. Ave, virgo, luminis

Caelici lucerna,
Quod devoti hominis.

Accendit interna,
Materni regiminis

Manu me guberna,
Ut devitem daemonis

Cautius laverna.

97. Ave, stirps magnifica

Caelicae olivae,
Semper stans salvifica

A peccati nive,
Carnis meae lubrica

Auferas lascivae
Audique haec cantica

Laudum amative.
98. Ave, flos mirifice,

Mirum odoramen
Dans ecclesiasticae

Plebi ac solamen,
Pia mater, respice

Meum reluctamen,
Quo gravor ob bosticae

Fraudis litigamen,
99. Ave, quam novagies

Modo salutavi
Insuper et novies,

Quia te amavi,
Nato me concilies,

Quem exasperavi,
Sicuti te pluries

Antea rogavi.
100. Ave, cuius precibus

Fugio gravamen,
Cum tibi devotius

Cano iubilamen,
Eradica funditus

Meorum foedaraen
Scelerum, ut dignius

Venerer te. Amen.